ଭାରତରେ ପାଦ ଥାପିଲା ମସ୍କଙ୍କ ଟେସଲା….ମୁମ୍ବାଇରେ ଖୋଲିଲା ସୋରୁମ୍, ଜାଣନ୍ତୁ ଭାରତକୁ କି ଲାଭ….

ମୁମ୍ବାଇ: ଦୀର୍ଘ ପ୍ରତୀକ୍ଷା ପରେ, ଭାରତରେ ପ୍ରଥମ ଥର ପାଇଁ ପାଦ ଥାପିଛି ଟେକ୍ ଜିଆଣ୍ଟ ଏଲନ ମସ୍କଙ୍କ ଟେସଲା । ଆମେରିକୀୟ ବୈଦ୍ୟୁତିକ କାର ନିର୍ମାତା ଟେସଲା ଶେଷରେ ଭାରତୀୟ ବଜାରରେ ତାର ଯାତ୍ରା ଆରମ୍ଭ କରିଛି। କମ୍ପାନୀ ଆଜି ମୁମ୍ବାଇର ବାନ୍ଦ୍ରା କୁର୍ଲା କମ୍ପ୍ଲେକ୍ସରେ ଏହାର ପ୍ରଥମ ଶୋ’ରୁମ୍ ଆରମ୍ଭ କରିବା ସହିତ ନୂତନ ବୈଦ୍ୟୁତିକ କାର ମଡେଲ୍ ‘ଓ୍ବାଇ’କୁ ଆନୁଷ୍ଠାନିକ ଭାବରେ ବିକ୍ରୟ ପାଇଁ ଉନ୍ମୋଚନ କରିଛି। ଯାହା ନାମ ଏକ୍ସ-ସୋ’ରୁମ୍, ମୁମ୍ବାଇ ରହିଥିବା ବେଳେ ଏହାର ପ୍ରାରମ୍ଭିକ ମୂଲ୍ୟ ୫୯.୮୯ ଲକ୍ଷ ଟଙ୍କା ସ୍ଥିର କରାଯାଇଛି। କମ୍ପାନୀ ଏହି କାରକୁ ଦୁଇଟି ଭିନ୍ନ ଭିନ୍ନ ଭାରିଆଣ୍ଟରେ ପ୍ରଚଳନ କରିଛି ।

ଟେସଲା ଏହି ବୈଦ୍ୟୁତିକ କାରର ଆନୁଷ୍ଠାନିକ ବୁକିଂ ମଧ୍ୟ ଆରମ୍ଭ କରିଛି। ଏହାକୁ କମ୍ପାନୀର ଅଫିସିଆଲ୍ ୱେବସାଇଟ୍ ଏବଂ ମୁମ୍ବାଇରେ ଅବସ୍ଥିତ ଟେସଲା ଏକ୍ସପିରିଏନ୍ସ ସେଣ୍ଟର ମାଧ୍ୟମରେ ବୁକ୍ କରାଯାଇପାରିବ। ଅନଲାଇନ୍ ବୁକିଂ ପାଇଁ, ଗ୍ରାହକମାନଙ୍କୁ କାର୍ଡ ଏବଂ ୟୁପିଆଇ ପେମେଣ୍ଟର ବିକଳ୍ପ ଦିଆଯାଉଛି । ବର୍ତ୍ତମାନ, ମୁମ୍ବାଇ, ଦିଲ୍ଲୀ ଏବଂ ଗୁରୁଗ୍ରାମ ପାଇଁ ଏହି କାରର ବୁକିଂ ଆରମ୍ଭ ହୋଇଛି।

ଟେସଲା ମଡେଲ୍ ଓ୍ବାଇର ଅନଲାଇନ୍ ବୁକିଂ ପାଇଁ, ଗ୍ରାହକମାନଙ୍କୁ କମ୍ପାନୀର ଅଫିସିଆଲ୍ ୱେବସାଇଟ୍ ପରିଦର୍ଶନ କରିବାକୁ ପଡିବ। ଏଠାରେ ଆପଣ ଡାହାଣ ପାର୍ଶ୍ୱରେ ଏକ ଗ୍ଲୋବ୍ ଆଇକନ୍ ଦେଖିବେ, ଯାହା ଉପରେ କ୍ଲିକ୍ କରି ଆପଣଙ୍କୁ ଭାରତକୁ ଚୟନ କରିବାକୁ ପଡିବ। ଏହା ପରେ, ଆପଣଙ୍କୁ କାରର ଗୋଟିଏ ଭାରିଆଣ୍ଟ (ରିଅଲ୍ ହ୍ୱିଲ୍ ଡ୍ରାଇଭ୍ ଏବଂ ଲମ୍ବା ରେଞ୍ଜ) ବାଛିବାକୁ ପଡିବ। ଭାରିଆଣ୍ଟ ବାଛିବା ପରେ, ଗ୍ରାହକଙ୍କୁ ନାମ, ଠିକଣା ଏବଂ ପ୍ୟାନ୍ କାର୍ଡ ଇତ୍ୟାଦି ବିବରଣୀ ଦେଇ ପେମେଣ୍ଟ ଗେଟୱେ ମାଧ୍ୟମରେ କାର ବୁକ୍ କରିବାକୁ ପଡିବ।

ଆଜି ଏହି ଟେସ୍ଲା ଶୋରୁମ୍ ମହାରାଷ୍ଟ୍ର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ୍ ଉଦଘାଟନ କରିଛନ୍ତି । ଏହି ଅବସରରେ, ଫଡନାଭିସ୍ ଭାରତରେ ଉତ୍ପାଦନ ଆରମ୍ଭ କରିବାକୁ ଟେସ୍ଲାଙ୍କୁ ଆମନ୍ତ୍ରଣ କରିଥିଲେ। ଫଡନାଭିସ୍ କହିଛନ୍ତି ଯେ ଆମର ନୀତି ଇଲେକ୍ଟ୍ରିକ୍ କାର ନିର୍ମାଣ ଏବଂ ଚାର୍ଜିଂ ଭିତ୍ତିଭୂମି ସୃଷ୍ଟି କରିବା ପାଇଁ ଭଲ। ଏହା ବ୍ୟତୀତ, ଆମେ ଉତ୍ପାଦନକୁ ଉତ୍ସାହିତ କରୁଛୁ। ଏହା ଏକ ଭଲ ଆରମ୍ଭ, ଆମେ ଭାରତରେ ଗବେଷଣା ଏବଂ ବିକାଶ (R&D) ଉତ୍ପାଦନ ଦେଖିବାକୁ ଚାହୁଁଛୁ। ସେ କହିଛନ୍ତି ଯେ, ମୁଁ ନିଶ୍ଚିତ ଯେ ଟେସଲା ସଠିକ୍ ସମୟରେ ଏହା ବିଷୟରେ ଚିନ୍ତା କରିବ।

ତେବେ ଆଜି ଟେସଲାର ପ୍ରଥମ ଶୋ’ରୁମ୍ ମୁମ୍ବାଇରେ ଖୋଲିଥିବା ଅଭିଜ୍ଞତା କେନ୍ଦ୍ର, ଭାରତୀୟ ଗ୍ରାହକମାନଙ୍କ ପାଇଁ ବିକ୍ରୟ ଆରମ୍ଭ କରିପାରିବ । ଟେସଲାର ଯାନବାହନ ଭାରତରେ ବିକ୍ରୟ ପାଇଁ ଚୀନ୍ ଏବଂ ଜର୍ମାନୀରୁ ଆମଦାନି କରାଯାଇପାରିବ। ଭାରତ ଇଭି ଆମଦାନି ଉପରେ ପ୍ରାୟ ୭୦ ପ୍ରତିଶତ ଶୁଳ୍କ ଲାଗୁ କରିଛି । ଚୀନ୍ ଏବଂ ୟୁରୋପର ବଜାରରେ ଟେସଲାର ବିକ୍ରୟ ହ୍ରାସ ପାଇଛି। ଏପରି ପରିସ୍ଥିତିରେ, ଟେସଲା ଭାରତ ଉପରେ ଧ୍ୟାନ ଦେଉଛି।