ନୂଆଦିଲ୍ଲୀ: ଇରାନ ଓ ଆମେରିକା ଯୁଦ୍ଧ ଭିତରେ ଟ୍ରମ୍ପଙ୍କ ନିଜକୁ ‘ଯୀଶୁ ଖ୍ରୀଷ୍ଟ’ଙ୍କ ସହ ତୁଳନା କରିଛନ୍ତି। ଏଥିସହିତ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କ୍ୟାଥୋଲିକ ଚର୍ଚ୍ଚ ଏବଂ ହୋଲି ସି ଙ୍କୁ ନେଇ ଏକ ଟିପ୍ପଣୀ ମଧ୍ୟ ଦେଇଛନ୍ତି। ଯାହାକୁ ନେଇ ଚର୍ଚ୍ଚା ଜୋର୍ ଧରିଛି।
ପୋପ୍ ଲିଓ xiv ଙ୍କୁ ଟାର୍ଗେଟ କରିବାର କିଛି ସମୟ ପରେ ସେ ଏକ AI-ଜେନେରେଟେଡ୍ ଫଟୋ ପୋଷ୍ଟ କରିଛନ୍ତି। ଯେଉଁଥିରେ ସେ ଏକ ଚମତ୍କାର କରୁଥିବା ଦର୍ଶାଯାଇଛି। ଏହି ଚିତ୍ରଟି ପ୍ରସିଦ୍ଧ ବାଇବଲରେ ପ୍ରଦର୍ଶିତ ଯୀଶୁ ଖ୍ରୀଷ୍ଟଙ୍କ ଏକ ଚମତ୍କାରର ପ୍ରତୀକ ବୋଲି ବିଶ୍ୱାସ କରାଯାଏ। ଯେଉଁଥିରେ ସେ ଲାଜାରଙ୍କୁ ମୃତକଙ୍କ ମଧ୍ୟରୁ ଉଠାଇଥିଲେ।
ଏହି AI-ଜେନେରେଟେଡ୍ ଚିତ୍ରରେ ଡୋନାଲ୍ଡ ଟ୍ରମ୍ପ ଜଣେ ଅସୁସ୍ଥ ବ୍ୟକ୍ତିଙ୍କ ଉପରେ ହାତ ରଖିଥିବା ଦର୍ଶାଯାଇଛି। ଏହି ଦୃଶ୍ୟଟି ଦେଶପ୍ରେମୀ ଏବଂ ପ୍ରତୀକାତ୍ମକ ଉପାଦାନ ଦ୍ୱାରା ଘେରି ରହିଛି, ଯେଉଁଥିରେ ଆମେରିକୀୟ ପତାକା, ସାମରିକ ବିମାନ ଏବଂ ଦେବଦୂତ ମାନେ ଅନ୍ତର୍ଭୁକ୍ତ।
ଡୋନାଲ୍ଡ ଟ୍ରମ୍ପଙ୍କ ଏହି ପୋଷ୍ଟ ପୋପ୍ ଲିଓ xivଙ୍କୁ ସମାଲୋଚନା କରିବାର କିଛି ସମୟ ପରେ ଆସିଛି। ସେ ପୂର୍ବରୁ ପୋପଙ୍କୁ “ଅପରାଧରେ ଦୁର୍ବଳ” ଏବଂ “ବୈଦେଶିକ ନୀତି ପାଇଁ ଖରାପ” ବୋଲି ବର୍ଣ୍ଣନା କରିଥିଲେ। ଟ୍ରମ୍ପ ଏହା ମଧ୍ୟ ଦାବି କରିଥିଲେ ଯେ ପୋପଙ୍କ ମତ ରାଜନୈତିକ ବିଚାର ଦ୍ୱାରା ପ୍ରଭାବିତ ଥିଲା।
ଅପରପକ୍ଷରେ ଟ୍ରୁଥ୍ ସୋସିଆଲରେ ଏକ ପୋଷ୍ଟରେ ଡୋନାଲ୍ଡ ଟ୍ରମ୍ପ ଦାବି କରିଛନ୍ତି ଯେ ଯଦି ସେ ଆମେରିକାର ରାଷ୍ଟ୍ରପତି ନିର୍ବାଚିତ ହୋଇନଥାନ୍ତେ ତେବେ ପୋପ୍ ଫ୍ରାନ୍ସିସଙ୍କ ମୃତ୍ୟୁ ପରେ ପୋପ୍ ଲିଓ xivଙ୍କୁ ପରବର୍ତ୍ତୀ ପୋପ୍ ନିଯୁକ୍ତ କରାଯାଇନଥାନ୍ତା।
ପୋପ୍ ଲିଓ xiv ସମ୍ପ୍ରତି ବିଶ୍ୱରେ ଚାଲିଥିବା ଯୁଦ୍ଧ ବିଶେଷକରି ଇରାନ ସହିତ ଉତ୍ତେଜନା ଉପରେ ୱାଶିଂଟନର ନୀତିକୁ ସମାଲୋଚନା କରିବା ପରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଏଭଳି ମନ୍ତବ୍ୟ ଆସିଛି।
Comments are closed.