ମୁମ୍ବାଇ: ବଲିଉଡ ତାରକାଙ୍କ ପ୍ରଶଂସକମାନେ ଷ୍ଟାର କିଡ୍ସଙ୍କ ଫିଲ୍ମ ଦେଖିବା ପାଇଁ ବହୁତ ଅପେକ୍ଷା କରନ୍ତି। ଷ୍ଟାର୍ କିଡ୍ସଙ୍କ ଫିଲ୍ମରୁ ପ୍ରଶଂସକମାନେ ଅନୁମାନ କରନ୍ତି ଯେ ନିଜ ପିତାମାତାଙ୍କ ପରି ଅଭିନୟ ଜଗତରେ ସେମାନେ ମଧ୍ୟ ନିଜର ଏକ ଭିନ୍ନ ପରିଚୟ ସୃଷ୍ଟି କରିବେ। ଗତ କିଛି ବର୍ଷ ଧରି ବଲିଉଡ ଇଣ୍ଡଷ୍ଟ୍ରିରେ ଷ୍ଟାର୍ କିଡ୍ସଙ୍କ ଡେବ୍ୟୁ କରିବା କ୍ରମାଗତ ଭାବରେ ଜାରି ରହିଛି। ଏହାରି ଭିତରେ ପୁଣି ଥରେ ଅନେକ ଷ୍ଟାର କିଡ୍ସ ନିଜର ଅଭିନୟ କ୍ୟାରିୟର ଆରମ୍ଭ କରିବାକୁ ଯାଉଛନ୍ତି।
ବର୍ତ୍ତମାନ ଜୋୟା ଅଖତରଙ୍କ ଫିଲ୍ମ ‘ଦି ଆର୍ଚିଜ୍’ ଲଗାତାର ଆଲୋଚନାର ଶୀର୍ଷରେ ରହିଛି। ଜଣେ କିମ୍ବା ଦୁଇ ଜଣ ନୁହେଁ ବରଂ ତିନି ଜଣ ଷ୍ଟାର କିଡ୍ସ ଚଳଚ୍ଚିତ୍ରରେ ଡେବ୍ୟୁ କରିବାକୁ ଯାଉଛନ୍ତି। ଏହି ଚଳଚ୍ଚିତ୍ରର ଘୋଷଣା ବହୁ ପୂର୍ବରୁ କରାଯାଇଥିଲା। ଏବେ ଫିଲ୍ମର ନୂଆ ପୋଷ୍ଟର ମଧ୍ୟ ରିଲିଜ ହୋଇଛି। ଏହି ପୋଷ୍ଟରକୁ ଶାହରୁଖ ଖାନଙ୍କ ଝିଅ ସୁହାନା ଖାନ, ଜାହ୍ନବୀ କପୁରଙ୍କ ଭଉଣୀ ଖୁସି କପୁର ଏବଂ ଅମିତାଭ ବଚ୍ଚନଙ୍କ ନାତି ଅଗସ୍ତ୍ୟ ନନ୍ଦା ମଧ୍ୟ ସେୟାର କରିଛନ୍ତି।
ଏହି ଚଳଚ୍ଚିତ୍ରରେ ସୁହାନା, ଖୁସି ଏବଂ ଅଗସ୍ତ୍ୟ ଏକାଠି ନଜନ ଅସୁଛନ୍ତି। ତିନିଜଣ ଏକାଠି ଡେବ୍ୟୁ କରୁଛନ୍ତି। ଯଦିଓ ନିର୍ମାତାମାନେ ନୂଆ ପୋଷ୍ଟର ସେୟାର କରିଛନ୍ତି, କିନ୍ତୁ ଫିଲ୍ମର ରିଲିଜ୍ ତାରିଖ ଘୋଷଣା କରି ନାହାଁନ୍ତି। ପୋଷ୍ଟର ବିଷୟରେ କହିବାକୁ ଗଲେ ସମସ୍ତ ଝିଅ ତଥା ସୁହାନା ଖାନ, ଖୁସୀ କପୁର ଛୋଟ କେଶରେ ନଜର ଆସୁଛନ୍ତି। ସେହପରି ସମସ୍ତ ପୁଅମାନଙ୍କର ହେୟାର ଷ୍ଟାଇଲ୍ ଭିନ୍ନ ଦେଖାଯାଉଛି। ଫିଲ୍ମର କାହାଣୀ ବିଷୟରେ କୌଣସି ବଡ଼ ଖୁଲାସା ହୋଇନାହିଁ।
ଏହି ସମସ୍ତ ଷ୍ଟାର କିଡ୍ସ ଏକାଠି ପ୍ରଦର୍ଶନ କରୁଥିବା ଦେଖି ପ୍ରଶଂସକମାନେ ବହୁତ ଉତ୍ସାହିତ। ବିଶେଷକରି ସମସ୍ତେ ଶାହରୁଖ ଏବଂ ଗୌରୀଙ୍କ ଝିଅ ସୁହାନାଙ୍କୁ ପରଦାରେ ଦେଖିବା ପାଇଁ ଉତ୍ସାହର ସହ ଅପେକ୍ଷା କରିଛନ୍ତି। ଗତ କିଛି ବର୍ଷ ମଧ୍ୟରେ ସୁହାନା ନିଜକୁ ବେଶ ପରିବର୍ତ୍ତନ କରିଛନ୍ତି। ସୁହାନା ବର୍ତ୍ତମାନ ଏକ ମେକଅପ୍ ବ୍ରାଣ୍ଡର ବ୍ରାଣ୍ଡ ଆମ୍ବାସାଡର ମଧ୍ୟ ଅଛନ୍ତି। ଯେଉଁଥି ପାଇଁ ଶାହାରୁଖ ଖାନ ମଧ୍ୟ ତାଙ୍କ ପାଇଁ ଗର୍ବିତ।
Comments are closed.