ଆନନ୍ଦପୁର: ଆନନ୍ଦପୁର ବ୍ଲକ କୋଳିମାଟି ପଞ୍ଚାୟତ କୁମଡ଼ ଗାଁରେ ଅଭାବନୀୟ ଘଟଣା ଘଟିଛି । ଭାଲୁହୁଡି ମନ୍ଦିର ନିକଟରେ ଥିବା ଏକ ଜଙ୍ଗଲରେ ଅଜଗର ସାପ ଏକ କୁକୁରକୁ ଗିଳି ଦେଇଥିବା ଦେଖିବାକୁ ମିଳିଛି । ଏନେଇ ଖବର ପାଇ ବନବିଭାଗ ଘଟଣାସ୍ଥଳରେ ପହଁଚି ଅଜଗରଟିକୁ ଉଦ୍ଧାର କରିବା ପାଇଁ ବହୁ ଚେଷ୍ଟା କରିଥିଲା । ଶେଷରେ ଏଥିରେ ସଫଳ ହୋଇଥିଲେ ବନ କର୍ମଚାରୀ। ଅଜଗରଟିକୁ ଉଦ୍ଧାର କରାଯାଇ ଅଟେଇ ଜଙ୍ଗଲର କୋର ଏରିଆରେ ଛଡାଯାଇଥିବା ସୂଚନା ମିଳିଛି ।
ଆନନ୍ଦପୁର ବ୍ଲକ କୋଳିମାଟି ପଞ୍ଚାୟତ କୁମଡ଼ ଗାଁର ଭାଲୁହୁଡି ମନ୍ଦିର ନିକଟରେ ଥିବା ଏକ ଜଙ୍ଗଲ ରାସ୍ତାରେ କିଛି ଲୋକ ଯାଉଥିବା ସମୟରେ ହଠାତ୍ ଏହି ଅଜଗରଟିକୁ ଦେଖିବାକୁ ପାଇଥିଲେ । ଏଭଳି ବିରାଟକାୟ ଅଜଗରକୁ ଦେଖି ସେମାନେ ଭୟଭୀତ ହୋଇପଡିଥିଲେ । ପରେ ଜାଣିବାକୁ ପାଇଥିଲେ ଯେ ସାପଟି ଏକ କୁକୁରଟିକୁ ଗିଳି ଦେଇଥିବାରୁ କୁଆଡେ ଚଲାବୁଲା କରିପାରୁନି । ପରେ ସେମାନେ ଏ ନେଇ ବନ ବିଭାଗକୁ ଖବର ଦେଇଥିଲେ । ପରେ ବନ ବିଭାଗ କର୍ମଚାରୀ ମାନେ ଘଟଣାସ୍ଥଳରେ ପହଞ୍ଚି ଅଜଗରଟିକୁ ଉଦ୍ଧାର କରି ଜଙ୍ଗଲରେ ଛଡାଯାଇଛି ।