ମୁସଲମାନ ଭାରତ ମାତାର ସନ୍ତାନ: ରାଜନାଥ ସିଂହ

ନୂଆଦିଲ୍ଲୀ: ମୁସଲମାନ ଭାରତ ମାତାର ସନ୍ତାନ । ଭାରତର ହୃଦୟରେ ମୁସଲମାନ ରହିଛନ୍ତି । ବିଜେପିର ବିଚାରଧାରା ଅଳ୍ପସଂଖ୍ୟକ ବିରୋଧୀ ନୁହେଁ । ତେଣୁ ସାମ୍ପ୍ରଦାୟିକ ରାଜନୀତି ହେବା ପ୍ରଶ୍ନ ଉଠୁନି ବୋଲି କହିଛନ୍ତି ପ୍ର୍‌ତିରକ୍ଷା ମନ୍ତ୍ରୀ ରାଜନାଥ ସିଂହ । ମୋଦି ସରକାରଙ୍କ ଅଳ୍ପ ସଂଖ୍ୟକ ବିରୋଧୀ ଅଭିଯୋଗକୁ ସେ ଖଣ୍ଡନ କରିଛନ୍ତି । ମୁସଲମାନ ଭାରତର ନାଗରିକ । ସେମାନେ ଆମର ଭାଇ । ସେମାନେ ଭାରତର ହୃଦୟରେ ଅଛନ୍ତି ବୋଲି ରାଜନାଥ କହିଛନ୍ତି ।
ଜାତି, ଧର୍ମ, ବର୍ଣ୍ଣ ନେଇ ଭେଦଭାବ ସୃଷ୍ଟି କରୁଥିବା ନକରାତ୍ମକ ଶକ୍ତି ବିରୋଧରେ ବିଜେପି ସରକାର କାମ କରୁଛି । ବିଜେପି କୌଣସି ସ୍ଥିତିରେ ଅଳ୍ପସଂଖ୍ୟକଙ୍କ ବିରୋଧରେ କାମ କରେ ନାହିଁ । ନରେନ୍ଦ୍ର ମୋଦି ପ୍ରଥମରୁ ହିଁ ସବକା ସାଥ, ସବକା ବିଶ୍ୱାସ ନାରା ଦେଇଛନ୍ତି । ତେଣୁ ଜାତି ଧର୍ମକୁ ନେଇ ଭେଦଭାବ ହେବା ପ୍ରଶ୍ନ ଉଠୁନି ବୋଲି ଏକ ସାକ୍ଷାତକାରରେ ପ୍ରତିରକ୍ଷା ମନ୍ତ୍ରୀ କହିଛନ୍ତି ।