ମୟୁରଭଞ୍ଜ: ଗାଁକୁ ବିଦ୍ୟୁତ ସଂଯୋଗ ହୋଇନଥିବାରୁ ଗ୍ରାମବାସୀ କଲେ ରାସ୍ତା ଅବରୋଧ । ଆଜିବି ମୟୁରଭଞ୍ଜ ଜିଲ୍ଲା କପ୍ତିପଦା ଥାନା ସାଗର ସାହି ଗାଁକୁ ମିଳିନି ବିଦ୍ୟୁତ ସଂଯୋଗ । ଦୀର୍ଘ ଦିନ ହେଲା ଗାଁକୁ ଖୁଣ୍ଟି ପଡ଼ିଛି । ହେଲେ ଆଜିଯାଏଁ ବିଦ୍ୟୁତ ସଂଯୋଗ ମିଳିପାରିନାହିଁ । ହେଲେ ବିଡ଼ମ୍ବନାର ବିଷୟ ବିଦ୍ୟୁତ ବିଲ ଆସୁଥିବା ଅଭିଯୋଗ କରିଛନ୍ତି ଗ୍ରାମବାସୀ ।
ଏନେଇ ବାରମ୍ବାର ଅଭିଯୋଗ କରିଛନ୍ତି । ହେଲେ ଆଜିଯାଏଁ ବିଦ୍ୟୁତ ସଂଯୋଗ ହୋଇପାରିନାହିଁ ବୋଲି ଗାଁ ଲୋକେ କହିଛନ୍ତି । ଏହାର ପ୍ରତିବାଦ କରି ସାଗର ସାହି ଗ୍ରାମର ଗ୍ରାମବାସୀମାନେ କପ୍ତିପଦା ଠାକୁରମୁଣ୍ଡା ରାସ୍ତା ପଥରଖଣି ଛକରେ ରାସ୍ତାରୋକ କରିଛନ୍ତି । ଫଳରେ ରାସ୍ତାରେ ଗାଡ଼ି ଚଳାଚଳ ବନ୍ଦ ରହିଛି । ଖବର ପାଇ କପ୍ତିପଦା ପୋଲିସ ଘଟଣାସ୍ଥଳରେ ପହଞ୍ଚି ଉତ୍ୟକ୍ତ ଲୋକଙ୍କୁ ବୁଝାସୁଝା କରିଥିଲେ । ମାତ୍ର କୌଣସି ସଫଳ ମିଳିଲା ନାହିଁ ।
Comments are closed.