ଦୁବାଇ: ଦିନ ଥିଲା ଯେତେବେଳେ ଗଣତନ୍ତ୍ରରେ ଶାସନ ଚାଲିଥିଲା । ବର୍ତ୍ତମାନ ବିଶ୍ୱର ଅଧିକାଂଶ ଦେଶରେ ରାଜତନ୍ତ୍ରର ସମାପ୍ତି ହୋଇଛି । ମାତ୍ର ଏପରି କିଛି ଦେଶ ଏବେବି ରହିଛି ଯେଉଁଠି ରାଜତନ୍ତ୍ର ବର୍ତ୍ତମାନ ସୁଦ୍ଧା ଚାଲିଛି । ସେହିଭଳି ଗୋଟିଏ ଦେଶ ହେଉଛି ସାଉଦି ଆରବ ଯେଉଁଠି ଏବେ ବି ଚାଲିଛି ରାଜତନ୍ତ୍ର । ଦେଶରେ ଆଜିବି କୌଣସି ରାଜନୈତିକ ଦଳ ନାହିଁ । ତଥାପି ଦେଶର ଶାସନ ଭାର ଚଳାନ୍ତି ପ୍ରଧାନମନ୍ତ୍ରୀ ।
ସାଉଦି ଆରବରେ କୌଣସି ରାଜନୈତିକ ଦଳ ନାହିଁ। କାରଣ ଏହି ଦେଶରେ ସଂପୂର୍ଣ୍ଣ ରାଜତନ୍ତ୍ର ଚାଲିଛି । ଏଠାରେ ରାଜ ପରିବାର ନିଜେ ଏହାର ନୂତନ ଉତ୍ତରାଧିକାରୀ ବାଛନ୍ତି ଯିଏକି ପ୍ରଧାନମନ୍ତ୍ରୀ ଏବଂ ଦେଶର ମୁଖ୍ୟ ଦାୟିତ୍ୱ ନିଅନ୍ତି। ରାଜା ତାଙ୍କ ପରିବାରର ପୁରୁଷମାନଙ୍କ ମଧ୍ୟରୁ ଜଣଙ୍କୁ ତାଙ୍କର ଉତ୍ତରାଧିକାରୀ ଭାବେ ଚୟନ କରନ୍ତି ।
ରାଜତନ୍ତ୍ରକୁ ଚାରୋଟି ଭିନ୍ନ ପ୍ରକାରରେ ବିଭକ୍ତ କରାଯାଇଛି । ପ୍ରଥମଟି ହେଉଛି ସାମ୍ବିଧାନିକ ରାଜତନ୍ତ୍ର, ଦ୍ୱିତୀୟଟି ସଂପୂର୍ଣ୍ଣ ରାଜତନ୍ତ୍ର, ତୃତୀୟଟି ଫେଡେରାଲ୍ ରାଜତନ୍ତ୍ର ଏବଂ ଚତୁର୍ଥ ମିଶ୍ରିତ ରାଜତନ୍ତ୍ର । ସାମ୍ବିଧାନିକ ରାଜତନ୍ତ୍ରରେ, ରାଜତନ୍ତ୍ର ସାମ୍ବିଧାନିକ ପ୍ରତିଷ୍ଠିତ ସରକାର ସହିତ କ୍ଷମତା ବାଣ୍ଟିଥାଏ, କିନ୍ତୁ ଏହି ପରିସ୍ଥିତିରେ ରାଜାଙ୍କର କୌଣସି ରାଜନୈତିକ ଶକ୍ତି ନାହି । ମାତ୍ର ଆନୁଷ୍ଠାନିକ କର୍ତ୍ତବ୍ୟ ଏବଂ କିଛି ଦାୟିତ୍ୱ ରହିଛି। ସେହିପରି ସଂପୂର୍ଣ୍ଣ ରାଜତନ୍ତ୍ରରେ ରାଜାଙ୍କର ସମ୍ପୂର୍ଣ୍ଣ ରାଜନୈତିକ ଶକ୍ତି ଅଛି । ଆଇନ ତିଆରି ଏବଂ ସଂଶୋଧନ କରିବା ସହିତ ସେମାନଙ୍କର ସମସ୍ତ ଅଧିକାର ରହିଛି । ସେମାନେ ବିଦେଶରେ ଦେଶକୁ ପ୍ରତିନିଧିତ୍ୱ କରିପାରିବେ ଏବଂ ରାଜନୈତିକ ନେତା ନିଯୁକ୍ତ କରିପାରିବେ । ସାଉଦି ଆରବ, ଏସୱାଟିନି ଏବଂ ଭାଟିକାନ୍ ସିଟିରେ ଏହି ସଂପୂର୍ଣ୍ଣ ରାଜତନ୍ତ୍ର ଚଲିଛି ।
ଫେଡେରାଲ୍ ରାଜତନ୍ତ୍ରରେ ରାଜା ସେହି ରାଜ୍ୟଗୁଡ଼ିକର ସରକାରମାନଙ୍କ ସହିତ କାମ କରନ୍ତି ।ଏପରିକି ରାଜାମାନେ ମଧ୍ୟ ଅଛନ୍ତି ଯେଉଁମାନେ ସେହି ରାଜ୍ୟଗୁଡ଼ିକୁ ଶାସନ କରନ୍ତି। ସଂଯୁକ୍ତ ଆରବ ଏମିରେଟ୍ସ ଏବଂ ମାଲେସିଆରେ ଏହି ପ୍ରକାର ବ୍ୟବସ୍ଥା ଚାଲିଛି । ମାଲେସିଆରେ ଫେଡେରାଲ୍ ରାଜତନ୍ତ୍ର ଚାଲିଛି । ମିଶ୍ରିତ ରାଜତନ୍ତ୍ର ହେଉଛି ଏକ ବ୍ୟବସ୍ଥା ଯେଉଁଥିରେ ରାଜା ଦେଶ ପାଇଁ କ୍ଷମତାକୁ କିଛି ବିଶେଷ ଉପାୟରେ ବାଣ୍ଟି ପାରିବେ । ଏହି ଶାସନ ବ୍ୟବସ୍ଥା ଜୋର୍ଡାନ, ଲିଚଟେଷ୍ଟାଇନ୍ ଏବଂ ମୋରୋକୋରେ ଚାଲିଛି ।