ଉତ୍ତରପ୍ରଦେଶ: ଆଜି ହେଉଛି ପବିତ୍ର ରାଧାଷ୍ଟମୀ । ଏଥିଲାଗି ଉତ୍ତରପ୍ରଦେଶ ମଥୁରାରର ବରସାନାରେ ଲକ୍ଷାଧିକ ଭକ୍ତଙ୍କ ଭିଡ ପରିଲକ୍ଷିତ ହୋଇଛି । ଏହାରି ମଧ୍ୟରେ ଏକ ଅଘଟଣ ଖବର ସାମ୍ନାକୁ ଆସିଛି । ରାଧାରାଣୀଙ୍କ ଦର୍ଶନ ଲାଗି ଯାଇଥିବାବେଳେ ୩ ଜଣ ଭକ୍ତଙ୍କର ମୃତ୍ୟୁ ଘଟିଛି । ଅତ୍ୟଧିକ ଭିଡ ଯୋଗୁଁ ଅଣନିଃଶ୍ବାସୀ ହୋଇ ମୃତ୍ୟୁ ଘଟିଥିବା ସନ୍ଦେହ କରାଯାଉଛି । ପ୍ରତିବର୍ଷ ରାଧାଷ୍ଟମୀରେ ବାରସାନାରେ ଲକ୍ଷାଧିକ ଭକ୍ତଙ୍କ ଭିଡ ଜମିଥାଏ ।
ବରସାନାକୁ ରାଧାରାଣୀଙ୍କର ଜନ୍ମସ୍ଥାନ ବୋଲି ବିବେଚନା କରାଯାଏ । ଏଠାକାର ମନ୍ଦିର ଗୁଡିକରେ ରାଧାଷ୍ଟମୀକୁ ବଡ ଧୂମଧାମ ସହକାରେ ପାଳନ କରାଯାଏ । ବିଭିନ୍ନ ସ୍ଥାନରେ ଭବ୍ୟ କାର୍ଯ୍ୟକ୍ରମର ଆୟୋଜନ ମଧ୍ୟ କରାଯାଏ । ବର୍ଷେ ପୂର୍ବରୁ ବାଙ୍କ ବିହାରୀଙ୍କ ମଙ୍ଗଳ ଆରତୀ ଦର୍ଶନ ସମୟରେ ଦୁଇ ଜଣ ଭକ୍ତଙ୍କର ମୃତ୍ୟୁ ଘଟିଥିଲା ।