ଜୁହୁ ଗୁଳିକାଣ୍ଡ ପରେ ବଡ଼ ନିଷ୍ପତ୍ତି: ମୁମ୍ବାଇରେ ଥିବା ନିଜର ଆଲିସାନ ଫ୍ଲାଟ୍ ବିକିଦେଲେ ଟାଇଗର ଶ୍ରଫ୍
ମୁମ୍ବାଇ: କାର୍ ଉପରେ ଗୁଳିମାଡ଼ର ୪ ଦିନ ପରେ ମୁମ୍ବାଇ ଫ୍ଲାଟ୍ ବିକ୍ରି କଲେ ଟାଇଗର ଶ୍ରଫ୍। ବଲିଉଡ୍ ଅଭିନେତା ଟାଇଗର ଶ୍ରଫ୍ ମୁମ୍ବାଇର ଖାର୍ ୱେଷ୍ଟ (Khar West) ଅଞ୍ଚଳରେ ଥିବା ତାଙ୍କର ଏକ ବିଳାସପୂର୍ଣ୍ଣ ଫ୍ଲାଟ୍କୁ ୯ କୋଟି ଟଙ୍କାରେ ବିକ୍ରି କରିଦେଇଛନ୍ତି। ଗୁଳିମାଡ଼ ଘଟଣା ପରେ ନିଜ ଲଗ୍ଜୁରୀ ଆପାର୍ଟମେଣ୍ଟ ବିକିଦେଲେ ଟାଇଗର। ୨୦୨୬ ଅକ୍ଟୋବର ୨୨ ତାରିଖରେ ଏହି ସମ୍ପତ୍ତିର ପଞ୍ଜୀକରଣ (Registration) ଶେଷ ହୋଇଛି। ଏହି ଫ୍ଲାଟ୍ଟି ଖାର୍ ୱେଷ୍ଟର ପ୍ରସିଦ୍ଧ ‘ରୁସ୍ତମଜୀ ପାରାମାଉଣ୍ଟ’ (Rustomjee Paramount) ହାଉସିଂ ସୋସାଇଟିର ୯ମ ମହଲାରେ ଅବସ୍ଥିତ। ଏହାର କାର୍ପେଟ୍ ଏରିଆ ପ୍ରାୟ ୧,୨୯୧ ବର୍ଗ ଫୁଟ୍।
ଟାଇଗର ଏହି ଫ୍ଲାଟ୍କୁ ୨୦୧୮ ମସିହାରେ ପ୍ରାୟ ୭.୬୧ କୋଟି ଟଙ୍କାରେ କିଣିଥିଲେ। ଏହାକୁ ୯ କୋଟିରେ ବିକ୍ରି କରିବା ପରେ ତାଙ୍କୁ ପ୍ରାୟ ୧.୩୯ କୋଟି ଟଙ୍କାର ମୋଟ ଲାଭ ମିଳିଛି। ମୁମ୍ବାଇର ଜୁହୁ ଅଞ୍ଚଳରେ ଟାଇଗର ଶ୍ରଫ୍ଙ୍କ କାର୍ ଉପରକୁ ଗୁଳିମାଡ଼ ହେବାର ମାତ୍ର ଚାରି ଦିନ ପରେ ଏହି ଫ୍ଲାଟ୍ ବିକ୍ରିର ରେଜିଷ୍ଟ୍ରେସନ ହୋଇଛି। ତେବେ ଏହି ଆକ୍ରମଣ ଘଟଣା ସହ ଫ୍ଲାଟ୍ ବିକ୍ରିର କୌଣସି ସିଧାସଳଖ ସମ୍ପର୍କ ଥିବା ନେଇ କୌଣସି ସ୍ପଷ୍ଟ ସୂଚନା ମିଳିନାହିଁ।
ଗତ ଏକ ବର୍ଷ ମଧ୍ୟରେ ଟାଇଗରଙ୍କର ଏହା ତୃତୀୟ ସମ୍ପତ୍ତି କାରବାର। ଏହା ପୂର୍ବରୁ ସେ ସେପ୍ଟେମ୍ବର ୨୦୨୫ରେ ଏହି ସେମ୍ ସୋସାଇଟିର ଅନ୍ୟ ଏକ ଫ୍ଲାଟ୍କୁ ୧୫.୬ କୋଟି ଟଙ୍କାରେ ବିକ୍ରି କରିଥିଲେ। ଜାପ୍କି ଦ୍ୱାରା ପ୍ରାପ୍ତ ସମ୍ପତ୍ତି ପଞ୍ଜୀକରଣ ଡକ୍ୟୁମେଣ୍ଟ ଅନୁଯାୟୀ, ଅଭିନେତା ପୂର୍ବରୁ ୨୦୨୬ ମସିହାରେ ପୁଣେର ହଡପସରରେ ₹୮.୮୭ କୋଟିରେ ଏକ ଆବାସିକ ସମ୍ପତ୍ତି ବିକ୍ରି କରିଥିଲେ। ଜାପ୍କିଙ୍କ ଅନୁଯାୟୀ, ସେ ଏହାକୁ ମାର୍ଚ୍ଚ ୨୦୨୪ରେ ₹୭.୫ କୋଟିରେ କିଣିଥିଲେ, ଯାହା ତାଙ୍କୁ ନିବେଶ ଉପରେ ମୋଟ ୧୮.୩% ରିଟର୍ଣ୍ଣ ଦେଇଥିଲା।