କନ୍ଧମାଳ: ରାଜ୍ୟରେ ଦିନକୁ ଦିନ ଅସୁରକ୍ଷିତ ହୋଇପଡୁଛନ୍ତି ବନ୍ୟ ଜୀବଜନ୍ତୁ । ପୁଣି ସେହିଭଳି ଏକ ଖବର ସାମ୍ନାକୁ ଆସିଛି । କନ୍ଧମାଳ ଜିଲ୍ଲା ଜି. ଉଦୟଗିରି ବନାଞ୍ଚଳ ଅନ୍ତର୍ଗତ କଳିଙ୍ଗା ସେକ୍ସନ ଅଞ୍ଚଳ ବାବା ଛକ ଠାରୁ କଲରାପତରିଆ ବାଘ ଛାଲ ଜବତ ହୋଇଛି । ଜି.ଉଦୟଗିରି ବନ ବିଭାଗ ପକ୍ଷରୁ ବାଘ ଛାଲ ଓ ବନ୍ଧୁକ ଜବତ କରିବା ସହ ଦୁଇ ମାଫିଆଙ୍କୁ ଗିରଫ କରିଛି ବନ ବିଭାଗ l
ଜି. ଉଦୟଗିରି ବନବିଭାଗ ପେଟ୍ରୋଲିଂ କରୁଥିବାବେଳେ ବାବା ଛକରେ ଛିଡା ହୋଇଥିବା ଜଣେ ବ୍ୟକ୍ତି ତାଙ୍କ ହାବଭାବ ପାଇଁ ସନ୍ଦେହ ଘରେକୁ ଆସିଥିଲେ । ପରେ ବନ ବିଭାଗ ତାଙ୍କୁ ଯାଞ୍ଚ କରିବାରୁ ଯାଞ୍ଚ ସମୟରେ ତାଙ୍କ ନିକଟରୁ ଏକ ବ୍ୟାଗ୍ ଉଦ୍ଧାର କରିଥିଲେ । ସେହି ବ୍ୟାଗରେ ବାଘ ଛାଲ ପାଇଥିଲେ ।
ଏପରିକି ତାଙ୍କ ନିକଟରୁ ଗୁଳି ଭର୍ତ୍ତି ଦେଶୀ ବନ୍ଧୁକ ମଧ୍ୟ ଜବତ କରିଥିଲା ବନ ବିଭାଗ ଏହି ଘଟଣାରେ ଦୁଇ ଜଣ ବ୍ୟକ୍ତିଙ୍କୁ ଗିରଫ କରାଯାଇଛି । ଏହି ଘଟଣାରେ ଆଉ କାହାର ସମ୍ପୃକ୍ତି ଥିବା ଅଛି କି ନାହିଁ ସେନେଇ ଅଧିକ ଛାନଭିନ ଜାରି ରଖିଛି ବନ ବିଭାଗ ।