ଆଜି ମୌନି ଅମାବାସ୍ୟା, ଏହି ଦିନ ମୌନ ବ୍ରତ ରହିବାର ରହିଛି ନିୟମ, ଜାଣନ୍ତୁ ଏହା ପଛର କାରଣ?

ଭୁବନେଶ୍ବର: ଆଜି ମୌନି ଅମାବାସ୍ୟା । ମାଘ ମାସରେ ପଡୁଥିବା ମୌନି ଅମାବାସ୍ୟାର ହିନ୍ଦୁ ଧର୍ମରେ ଏକ ବିଶେଷ ମହତ୍ତ୍ୱ ରହିଛି । ଅମାବାସ୍ୟା ତିଥି ବିଶେଷ ଭାବରେ ପିତୃପୁରୁଷଙ୍କ ପାଇଁ ଉତ୍ସର୍ଗୀକୃତ । ଯେଉଁମାନଙ୍କ ଜୀବନରେ ପିତୃ ଦୋଷ ରହିଛି, ସେମାନେ ଅମାବାସ୍ୟା ତିଥିରେ ସେମାନଙ୍କ ପୂର୍ବପୁରୁଷଙ୍କ ପାଇଁ ଦାନ ପୂର୍ଣ୍ଣ୍ୟ କରି ପିତୃ ଦୋଷରୁ ମୁକ୍ତି ପାଇବା ପାଇଁ ବିଭିନ୍ନ ପ୍ରକାର ପଦକ୍ଷେପ ନେଇଥାନ୍ତି ।

ଆପଣ ଜାଣନ୍ତି କି ମୌନି ଅମାବାସ୍ୟା ଦିନ କଣ ପାଇଁ ମୌନ ବ୍ରତ ପାଳନ କରାଯାଏ?ଏହି ଉପବାସ ରହିବାର ମହତ୍ତ୍ କ’ଣ? ଜାଣନ୍ତୁ ଏହା ବିଷୟରେ….
ମନର ନିୟନ୍ତ୍ରଣ –

ଚନ୍ଦ୍ର ମନ ଚଞ୍ଚଳ ପାଇଁ ଦାୟୀ: ଜ୍ୟୋତିଷ ଶାସ୍ତ୍ରରେ ଚନ୍ଦ୍ର ଭଗବାନଙ୍କୁ ମନର କାରକ ଭାବରେ ବିବେଚନା କରାଯାଏ । ମନ ଉପରେ ଚନ୍ଦ୍ରର ପ୍ରଭାବ ହେତୁ, ଏପରି ପରିସ୍ଥିତିରେ ମାନସିକ ସ୍ଥିତି ଖରାପ ହୋଇପାରେ । ବିଶ୍ୱାସ କରାଯାଏ ଯେ ଏଭଳି ପରିସ୍ଥିତିରେ, ମନକୁ ଏକାଗ୍ର ଏବଂ ନିୟନ୍ତ୍ରିତ ରଖିବା ପାଇଁ, ଏହି ଦିନ ଉପବାସର ମୌନ ବ୍ରତ ପାଳନ କରି ଜଣେ ନିଜ ମନକୁ ନିୟନ୍ତ୍ରଣ କରିପାରିବ । ଏହା କରିବା ଦ୍ୱାରା ମନ ଶାନ୍ତ ରହେ ।

ବାଣୀ ବା ବଚନରେ ଆସିଥାଏ ଶୁଦ୍ଧତା-

ଜଣେ ବ୍ୟକ୍ତି ତାଙ୍କର ମଧୁର ବଚନ ଦ୍ୱାରା ଜଣାଯାଇଥାଏ । ମଣିଷ ନିଜ କଥାବାର୍ତ୍ତା ମାଧ୍ୟମରେ ନିଜର ବିଚାର ଏବଂ ଭାବନାକୁ ପ୍ରକାଶ କରେ । ବିଶ୍ୱାସ କରାଯାଏ ଯେ ଯେଉଁମାନେ ମୌନି ଅମାବାସ୍ୟା ଦିନ ଚୁପ୍ ରୁହନ୍ତି ଏବଂ ଏହି ଦିନ କିଛି କୁହନ୍ତି ନାହିଁ ଏହା କରିବା ଦ୍ୱାରା ସେମାନଙ୍କର ବାଣୀ ଶୁଦ୍ଧ ହୋଇଯାଏ ଏବଂ ସମାଜରେ ସେମାନଙ୍କର ସମ୍ମାନ ଏବଂ ପ୍ରତିଷ୍ଠା ବଢିଥାଏ । ଏହା ବ୍ୟତୀତ ବଚନର ପ୍ରଭାବ ହେତୁ ପ୍ରତ୍ୟେକ କାର୍ଯ୍ୟରେ ସଫଳତା ହାସଲ କରାଯାଇପାରେ ।

ମୋକ୍ଷ ପ୍ରାପ୍ତିର ମାର୍ଗ-

ମୌନ ରହିବା ମନୁଷ୍ୟର ମନକୁ ଶାନ୍ତ କରିଥାଏ ଏବଂ ଆଧ୍ୟାତ୍ମିକ ସଫଳତା ପାଇଁ ଶାନ୍ତ ମନ ସହିତ ଧ୍ୟାନ କରିବା ସହଜ ହୋଇଯାଏ । ଶାସ୍ତ୍ର ଅନୁଯାୟୀ, ମୌନ ବ୍ରତ ପାଳନ କରି ଜଣେ ବ୍ୟକ୍ତି ଆତ୍ମ-ସାକ୍ଷାତକାର କରି ନିଜର ଲକ୍ଷ୍ୟ ହାସଲ କରିପାରିବ ଏବଂ ମୋକ୍ଷ ର ରାସ୍ତା ମଧ୍ୟ ପାଇପାରିବ ।

ମୌନି ଅମାବାସ୍ୟା ଦିନ ମୌନ ବ୍ରତ ରଖିବାବେଳେ ଏହି ନିୟମଗୁଡିକ ଅନୁସରଣ କରନ୍ତୁ…

ଯଦି ଆପଣ ମାୌନି ଅମାବାସ୍ୟା ଦିନ ଚୁପ୍ ରହିବାକୁ ଚାହାଁନ୍ତି, ତେବେ ସକାଳୁ ଉଠି ତୀର୍ଥସ୍ନାନ କରନ୍ତୁ ।

ଯଦି ଆପଣ ତୀର୍ଥସ୍ନାନ କରିପାରିବେ ନାହିଁ ତେବେ ଗାଧୁଆ ପାଣିରେ ଗାଙ୍ଗା ପାଣି ମିଶାଇ ଘରେ ସ୍ନାନ କରନ୍ତୁ ।

ସ୍ନାନ କରିବା ପରେ, ମୌନ ବ୍ରତର ଉପବାସ ରଖିବା ପାଇଁ ଏକ ସଙ୍କଳ୍ପ ନିଅନ୍ତୁ ।

ମୌନି ଅମାବାସ୍ୟା ତିଥି ଶେଷ ହେବା ପରେ ହିଁ ଆପଣ ମୌନ ବ୍ରତ ଖୋଲନ୍ତୁ ।

ଧାର୍ମିକ ବିଶ୍ୱାସ ଅନୁଯାୟୀ, କେବଳ ଇଶ୍ବରଙ୍କ ନାମ ଜପି ମୌନ ବ୍ରତ ଖୋଲିବା ଉଚିତ୍ ।