ଭୁବନେଶ୍ୱର: ବିଭିନ୍ନ ଜିଲ୍ଲାରେ ସରକାରୀ ସ୍କୁଲକୁ ପୌଷ୍ୟ ଭାବରେ ଗ୍ରହଣ କରୁଛନ୍ତି ବରିଷ୍ଠ ଆଇଏଏସ୍ ଅଫିସର । ମୋ ସ୍କୁଲ କାର୍ଯ୍ୟକ୍ରମ ଅଧୀନରେ ଏହି ମହତ ଅଭିଯାନରେ ମୁଖ୍ୟ ଶାସନ ସଚିବଙ୍କଠାରୁ ଆରମ୍ଭ କରି ଅନେକ ଅଫିସର ନିଜକୁ ସାମିଲ କରିଛନ୍ତି । ମିଳିଥିବା ସୂଚନା ଅନୁସାରେ, ମୁଖ୍ୟ ଶାସନ ସଚିବ ସୁରେଶ ମହାପାତ୍ର କେନ୍ଦୁଝ ଜିଲ୍ଲାର ଡିଏନ୍ ହାଇସ୍କୁଲକୁ ପୌଷ୍ୟ ଭାବରେ ଗ୍ରହଣ କରିବାକୁ ନିଷ୍ପତ୍ତି ନେଇଛନ୍ତି । ସେଠାରେ ତିନି ବର୍ଷ ପଢ଼ିଥିଲେ ମୁଖ୍ୟ ଶାସନ ସଚିବ ।
ସେହିପରି ମୁଖ୍ୟମନ୍ତ୍ରୀ ଅତିରିକ୍ତ ସଚିବ ରୁପା ରୋଶନ ସାହୁ ଢେଙ୍କାନାଳ ଜିଲ୍ଲାର ବି. ବି. ହାଇସ୍କୁଲକୁ ପୌଷ୍ୟ ଭାବରେ ଗ୍ରହଣ କରିବେ । ଶକ୍ତି ସଚିବ ଏନ. ଧଳ ଯାଜପୁର ଜିଲ୍ଲାର ସହିୟପୁରରେ ଥିବା ବିଏସ୍ ହାଇସ୍କୁଲରୁ ଗ୍ରହଣ କରିବେ । ସେଠାରେ ସେ ପାଞ୍ଚ ବର୍ଷ ପଢିଥିଲେ ।
Mo School’s unique Student Adoption Programme is off to a flying start. Ms. Roopa Roshan Sahoo, IAS, Addl Secy to CM has adopted B.B. High School in Dhenkanal. Many others have already shown interest in this programme. Together, let us usher in a change.@CMO_Odisha @SMEOdisha pic.twitter.com/lZEfSVjPIt
— MoSchool (@MoSchoolOdisha) January 22, 2021
ପଞ୍ଚାୟତିରାଜ ନିର୍ଦ୍ଦେଶକ (ସ୍ୱତନ୍ତ୍ର ପ୍ରକଳ୍ପ) ଅରବିନ୍ଦ ଡାକୁଆ ଗଞ୍ଜାମ ଜିଲ୍ଲା ଭଞ୍ଜନଗର ସ୍ଥିତ ଉପେନ୍ଦ୍ର ଭଞ୍ଜ ହାଇସ୍କୁଲକୁ ପୌଷ୍ୟ ଭାବରେ ଗ୍ରହଣ କରିବେ । ସେହିପରି ଗଜପତି ଜିଲ୍ଲାର ଏମ୍. ଆର୍. ବାଳକ ଓ ବାଳିକା ହାଇସ୍କୁଲକୁ ପୋଷ୍ୟ ଭାବେ ଗ୍ରହଣ କରିବେ ପୂର୍ତ୍ତ ସଚିବ ତଥା ଶ୍ରୀମନ୍ଦିର ମୁଖ୍ୟ ପ୍ରଶାସକ କ୍ରିଷନ କୁମାର ।
Not one school, but two! Dr. Krishan, IAS, Commissioner-cum-Secy, @PWD_Odisha wants to adopt M R Boys High School and M R Girls High School, both in Gajapati district. Mo School’s School Adoption Programme is seeing huge traction !@CMO_Odisha @SMEOdisha @drkrishan2002 pic.twitter.com/WRHTzdtXNt
— MoSchool (@MoSchoolOdisha) January 22, 2021
ଗଜପତି ଜିଲ୍ଲାପାଳ ଅନୁପମ ଶାହ କଳାହାଣ୍ଡି ଜିଲ୍ଲାର କେସିଙ୍ଗା ବିଦ୍ୟାପୀଠକୁ ବାଛିଛନ୍ତି । ସେଠାରେ ସେ ଅଷ୍ଟମରୁ ଦଶମ ଯାଏ ପାଠ ପଢିଥିଲେ । ମୋ ସ୍କୁଲ କାର୍ଯ୍ୟକ୍ରମ ଜରିଆରେ ରାଜ୍ୟ ସରକାର ସରକାରୀ ସ୍କୁଲର ବିକାଶ ପାଇଁ କାମ କରୁଛନ୍ତି । ଏହି ଅଭିୟାନରେ ସ୍କୁଲ ପୁରାତନ ଛାତ୍ରଛାତ୍ରୀଙ୍କୁ ସାମିଲ କରାଯାଉଛି । ବିଭିନ୍ନ ସ୍କୁଲକୁ ପୌଷ୍ୟ ଭାବରେ ଗ୍ରହଣ କରି ଏହି ମହତ ଅଭିଯାନରେ ବରିଷ୍ଠ ପ୍ରଶାସନିକ ଅଧିକାରୀ ସାମିଲ ହୋଇଛନ୍ତି ।