ନୂଆଦିଲ୍ଲୀ: ବିଶ୍ୱବ୍ୟାପୀ ଆତଙ୍କର କାରଣ ପାଲଟିଥିବା କରୋନାଭାଇରସ ଦିନକୁ ଦିନ ଜଟିଳ ସ୍ଥିତି ସୃଷ୍ଟି କରୁଛି । ଦେଶରେ କରୋନାଭାଇରସ ଆକ୍ରାନ୍ତଙ୍କ ସଂଖ୍ୟା ବଢ଼ି ବଢ଼ି ଚାଲିଥିବାବେଳେ ଏହା ୧୭୩ରେ ପହଞ୍ଚିଛି । କରୋନାଭାଇରସ ଭାରତରେ ଆଜି ସୁଦ୍ଧା ୪ଟି ଜୀବନ ନେଲାଣି ।
ଆଜିର ନୂଆ ରିପୋର୍ଟ ଅନୁସାରେ ଜମ୍ମୁ ଓ କାଶ୍ମୀରରେ ୪, ଚଣ୍ଡିଗଡରେ ୧, ପଞ୍ଜାବରେ ୨, ହରିୟାଣାରେ ୧୭, ରାଜସ୍ଥାନରେ ୭, ମହାରାଷ୍ଟ୍ରରେ ସର୍ବାଧିକ ୪୭ଜଣ କରୋନା ଦ୍ୱାରା ଆକ୍ରାନ୍ତ ହୋଇଛନ୍ତି । ସେହିଭଳି କରୋନାଭାଇରସ ଦ୍ୱାରା କର୍ଣ୍ଣାଟକରେ ୧୪, କେରଳରେ ୨୭, ତାମିଲନାଡୁରେ ୨, ଆନ୍ଧ୍ର ପ୍ରଦେଶରେ ୨, ତେଲେଙ୍ଗାନାରେ ୬, ଲଦାଖରେ ୮, ଦିଲ୍ଲୀରେ ୧୨, ଉତ୍ତର ପ୍ରଦେଶରେ ୧୯ ଏବଂ ଓଡିଶା, ପଶ୍ଚିମବଙ୍ଗ ଓ ଛତିଶଗଡ ପ୍ରତ୍ୟେକ ରାଜ୍ୟରେ ଜଣେ ଜଣେ ଲେଖାଏଁ ଆକ୍ରାନ୍ତ ହୋଇଛନ୍ତି ।
Comments are closed.