ରାଉରକେଲା:ରାଉରକେଲା ଠାରୁ ୩୩ କିମି. ଦୂର ବିଶ୍ରା ଅଞ୍ଚଳର ଜରେଇକେଲା ଏବଂ ମନୋହରପୁର ମଧ୍ୟରେ ଏକ ମାଲବାହୀ ଟ୍ରେନ୍ ଧକ୍କାରେ ଗୋଟିଏ ମାଈ ହାତୀର ମୃତ୍ୟୁ ଘଟିଛି।
ସୂଚନାନୁସାରେ, ଉକ୍ତ ହାତୀଟି ରାଉରକେଲାରୁ ଝାଡଖଣ୍ଡର ଚକ୍ରଧରପୁର ଆଡକୁ ଯାଉଥିଲା ବେଳେ ଗତକାଲି ରାତି ପ୍ରାୟ ୯ଟା ବେଳେ ଏହି ଅଘଟଣ ଘଟିଥିଲା।
ଏହା ପରେ ଲୋକୋ-ପାଇଲଟ ଓ ଗାର୍ଡ ଘଟଣାସ୍ଥଳରୁ ଫେରାର ହୋଇଯାଇଥିଲେ। ଉତ୍ୟକ୍ତ ଲୋକମାନେ ଟ୍ରେନକୁ ଅଟକାଇ ଦେଇଥିଲେ। ବନ ଅଧିକାରୀମାନେ ଉତ୍ୟକ୍ତ ଲୋକମାନଙ୍କୁ ବୁଝାସୁଝା କରିଥିଲେ।
ବନ ଅଧିକାରୀମାନେ ପୋଷ୍ଟମର୍ଟମ ପାଇଁ ମୃତ ହାତୀକୁ ପଠାଇବା ସହ ତଦନ୍ତ ଆରମ୍ଭ କରିଥିବା ସୂତ୍ରରୁ ପ୍ରକାଶ।
Comments are closed.