ନୂଆଦିଲ୍ଲୀ: ପଶ୍ଚିମବଙ୍ଗ ପରେ ଏବେ ତ୍ରିପୁରା ଟିଏମସି ଏବଂ ବିଜେପି ପାଇଁ ଏକ ନୂଆ କୁରୁକ୍ଷେତ୍ର ପାଲଟିଛି। ପଶ୍ଚିମବଙ୍ଗରେ ବିଧାନସଭା ନିର୍ବାଚନ ପୂର୍ବରୁ ଏବଂ ପରେ ଯାହା ଘଟିଥିଲା ତାହା ବର୍ତ୍ତମାନ ଉତ୍ତର-ପୂର୍ବ ତ୍ରିପୁରାରେ ପୁନରାବୃତ୍ତି ହେଉଛି। ତ୍ରିପୁରା ପୋଲିସ ଟିଏମସି ସାଂସଦ ଅଭିଷେକ ବାନାର୍ଜୀ, ଡୋଲା ସେନ ଏବଂ ଦଳର ଅନ୍ୟ ନେତାଙ୍କ ବିରୋଧରେ ଏଫଆଇଆର ପଞ୍ଜିକରଣ କରିଛି।
ରିପୋର୍ଟ ମୁତାବକ ତ୍ରିପୁରା ପୋଲିସ ମମତା ବାନାର୍ଜୀଙ୍କ ଭଣଜା ଅଭିଷେକ ବାନାର୍ଜୀ, ବଙ୍ଗଳା ମନ୍ତ୍ରୀ ବ୍ରତ୍ୟ ବସୁ ଏବଂ ଦଳର ମୁଖପାତ୍ର କୁନାଲ ଘୋଷଙ୍କ ବିରୋଧରେ ମାମଲା ରୁଜୁ କରିଛି।
ପୋଲିସ କହିଛି ଯେ ଟିଏମସି ନେତାଙ୍କ ଦଳ ଅତିରିକ୍ତ ଏସପି ଏବଂ ଅନ୍ୟ ପୋଲିସ କର୍ମଚାରୀଙ୍କ ସହ ଅସଦାଚରଣ କରିଥିଲେ ଏବଂ ଏପରିକି ପାଟିତୁଣ୍ଡ କରିଥିଲେ। ଖୋୱାଇର ଅତିରିକ୍ତ ଏସପି ଏବଂ ଏସଡିପିଓଙ୍କ ସହ ଅସଦାଚରଣ ଏବଂ ପୋଲିସ କର୍ମଚାରୀଙ୍କୁ ଡ୍ୟୁଟିରେ ବାଧା ସୃଷ୍ଟି କରୁଥିବା ଅଭିଯୋଗରେ ତ୍ରିପୁରା ପୋଲିସ ବର୍ତ୍ତମାନ ବରିଷ୍ଠ ଟିଏମସି ନେତାମାନଙ୍କୁ ବୁକ୍ କରିଛି।