‘ନମସ୍ତେ ଟ୍ରମ୍ପ’ରେ କମ୍ପିଲା ମୋଟେରା ଷ୍ଟାଡିୟମ

ଗୁଜରାଟ: ଲକ୍ଷଧିକ ଲୋକଙ୍କ ମଧ୍ୟରେ ‘ନମସ୍ତେ ଟ୍ରମ୍ପ’ରେ କମ୍ପି ଉଠିଲା ମୋଟେରା ଷ୍ଟାଡିୟମ୍‌ । ରୋଡ୍ ଶୋ ପରେ ପ୍ରଧାନମନ୍ତ୍ରୀ ମୋଦୀଙ୍କ ସହ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଓ ଫାଷ୍ଟ ଲେଡି ମେଲାନିଆ ଟ୍ରମ୍ପ ଅହମ୍ମଦାବାଦ ସ୍ଥିତ ମୋଟେରେ ଷ୍ଟାଡିୟମ୍‌ରେ ପହଂଚିଥିଲେ । ପରେ ମୋଦୀ ଉଦ୍‌ବୋଧନ ଆରମ୍ଭ କରି ଟ୍ରମ୍ପଙ୍କୁ ଖୁବ୍ ପ୍ରଶଂସା କରିଥିଲେ । ସେ କହିଥିଲେ ଯେ, ସମଗ୍ର ଭାରତ ଟ୍ରମ୍ପଙ୍କ ପରିବାରକୁ ସ୍ୱାଗତ କରୁଛି । ଆମ୍ଭମାନଙ୍କ ପାଇଁ ‘ନମସ୍ତେ ଟ୍ରମ୍ପର’ ଗୂଢ ଅର୍ଥ ରହିଛି । ଏହି ଅଗସ୍ତ ଆମର ବନ୍ଧୁତ୍ୱକୁ ଆହୁରି ଦୃଢ଼ କରିବ । ୫ ମାସ ପରେ ମୁଁ ହାଓଡି ମୋଦୀ କାର୍ଯ୍ୟକ୍ରମରେ ଯୋଗ ଦେବାକୁ ଆମେରିକା ଯାଇଥିଲି । ଆଜି ନମସ୍ତେ ଟ୍ରମ୍ପ କାର୍ଯ୍ୟକ୍ରମରେ ଯୋଗ ଦେବାକୁ ରାଷ୍ଟ୍ରପତି ଅହମ୍ମଦାବାଦ ଆସିଛନ୍ତି । ବିଶ୍ୱର ସର୍ବବୃହତ ଗଣତନ୍ତ୍ରକୁ ଆପଣଙ୍କୁ ହାର୍ଦ୍ଦିକ ସ୍ୱାଗତ ବୋଲି ମୋଦୀ କହିଛନ୍ତି ।