ଓ୍ୱାଶିଂଟନ୍: କୋଭିଡ୍ ଟେଷ୍ଟ କରାଇଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଓ ଫାଷ୍ଟ ଲେଡି ମେଲାନିଆ ଟ୍ରମ୍ପ । ରିପୋର୍ଟକୁ ଏବେ ସେମାନେ ଅପେକ୍ଷା କରିଛନ୍ତି । ନିଜେ ଟ୍ୱିଟ୍ କରି ଏହି ସୂଚନା ଦେଇଛନ୍ତି ଡୋନାଲ୍ଡ ଟ୍ରମ୍ପ ।
ଡୋନାଲ୍ଡ ଟ୍ରମ୍ପଙ୍କର ଜଣେ ଘନିଷ୍ଠ ପରାମର୍ଶଦାତା ହୋପ୍ ହିକ୍ସ କରୋନା ସଂକ୍ରମିତ ହୋଇଛନ୍ତି । ଏହାପରେ କୋଭିଡ୍ ଟେଷ୍ଟ କରାଇଛନ୍ତି ଟ୍ରମ୍ପ ଦମ୍ପତ୍ତି । ରିପୋର୍ଟକୁ ଅପେକ୍ଷା କରିଥିବା ବେଳେ କ୍ୱାରେଣ୍ଟାଇନ୍ ପ୍ରକ୍ରିୟା ଆରମ୍ଭ କରିବେ ବୋଲି ଟ୍ୱିଟ୍ କରି ସୂଚନା ଦେଇଛନ୍ତି ଡୋନାଲ୍ଡ ଟ୍ରମ୍ପ ।
ନିକଟରେ ପ୍ରେସିଡେନ୍ସିଆଲ୍ ଡିବେଟ କାର୍ଯ୍ୟକ୍ରମରେ ଯୋଗ ଦେବା ପାଇଁ ଡୋନାଲ୍ଡ ଟ୍ରମ୍ପଙ୍କ ସହ ଏୟାରଫୋର୍ସ ଓ୍ୱାନରେ ଯାତ୍ରା କରିଥିଲେ ହୋପ୍ ହିକ୍ସ । ତାଙ୍କ ପାଖରେ କରୋନାର ସାମାନ୍ୟ ଲକ୍ଷଣ ଥିବା ଜଣାପଡ଼ିଛି ।
ବିଶ୍ୱରେ କରୋନାରେ ସବୁଠୁ ଅଧିକ ପ୍ରଭାବିତ ହୋଇଛନ୍ତି ଆମେରିକା । ୭୪ ଲକ୍ଷ ୯୫ ହଜାର ଲୋକ ସଂକ୍ରମିତ ହୋଇଥିବା ବେଳେ ମୃତ୍ୟୁବରଣ କଲେଣି ୨ ଲକ୍ଷ ୧୨ ହଜାରରୁ ଅଧିକ ଆକ୍ରାନ୍ତ ।
Comments are closed.