ହସ୍ପିଟାଲରୁ ଡିସଚାର୍ଜ ହେଲେ ଟ୍ରମ୍ପ

ୱାଶିଂଟନ: କରୋନାରୁ ସୁସ୍ଥ ହେଲେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ଆଜି ସେ ହସ୍ପିଟାଲରୁ ଡିସଚାର୍ଜ ହୋଇଛନ୍ତି । ଏନେଇ ସୂଚନା ମିଳିଛି । ସେ ହସ୍ପିଟାଲରୁ ଡିସଚାର୍ଜ ହେବା ପରେ ପ୍ରଶଂସକମାନେ ତାଙ୍କ ଆଶୁ ଆରୋଗ୍ୟ କାମନା କରିଥିବାରୁ ତାଙ୍କୁ ଶୁଭେଚ୍ଛା ଜଣାଇଛନ୍ତି । ଆଗକୁ ନିର୍ବାଚନ ଥିବାରୁ ଟ୍ରମ୍ପ କେବେ ସୁସ୍ଥ ହେବେ ତାହା ଉପରେ ସାରା ବିଶ୍ୱର ନଜର ରହିଥିଲା ।

ଟ୍ରମ୍ପ କରୋନାରେ ଆକ୍ରାନ୍ତ ହେବା ପରେ ମେରିଲ୍ୟାଣ୍ଡ ବେଥେସ୍ଡାର ଆର୍ମି ହସ୍ପିଟାଲରେ ସେ ଚିକିତ୍ସତ ହେଉଥିଲେ । ତାଙ୍କୁ ଚିକିତ୍ସା କରୁଥିବା ତାଙ୍କ ଡାକ୍ତରୀ ଟିମ୍ କହିଛନ୍ତି, ଶୁକ୍ରବାର ସକାଳ ସୁଦ୍ଧା ତାଙ୍କ ଦେହରେ ଜ୍ୱର ନଥିଲା । ସେହିପରି ରେମଡେସିଭିର୍ ଔଷଧର ଦ୍ୱିତୀୟ ଥର ଦେବା ପରେ ତାଙ୍କ ଲିଭର୍ ଏବଂ କିଡ୍ନୀ ପୂର୍ବଭଳି ସ୍ୱାଭାବିକ୍ ଥିଲା । ଏହାକୁ ଦୃଷ୍ଟିରେ ରଖି ଆଜି ତାଙ୍କୁ ଡିସଚାର୍ଜ କରାଯାଇଛି ।