ସୋର(ବାଲେଶ୍ୱର): ଯାତ୍ରା ଦେଖି ଯିବା ବାଟରେ ଛକିଥିଲା ମୃତ୍ୟୁ । ଯାତ୍ରା ଦେଖାରୁ ଶେଷ ଯାତ୍ରା । ଅଜଣା ଗାଡ଼ି ଧକ୍କାରେ ଦୁଇ ବାଇକ୍ ଆରୋହୀଙ୍କ ମୃତ୍ୟୁ ହୋଇଛି । ବାଲେଶ୍ୱର ଜିଲ୍ଲା ସୋର ନିକଟ କାନପୁର ଛକ ନିକଟରେ ଗତକାଲି ରାତିରେ ଏହି ମର୍ମନ୍ତୁଦ ଦୁର୍ଘଟଣା ଘଟିଛି । ମୃତକମାନେ ହେଲେ କାନପୁର ଗାଁର ୧୩ ବର୍ଷୀୟ ସୁକୁଟା ସିଂ ଓ ୧୭ ବର୍ଷୀୟ ଚକଡ଼ ସିଂ ।
ଗତକାଲି ବିଳମ୍ବିତ ରାତିରେ ଦୁଇ ଜଣ ବାଇକରେ ଯାତ୍ରା ଦେଖିବାକୁ ଯାଇଥିଲେ । ବାଟରେ ସେମାନଙ୍କୁ ଏକ ଅଜଣା ଗାଡ଼ି ଧକ୍କା ଦେଇଥିଲା । ୨ ଜଣ ରାସ୍ତାକଡ଼କୁ ଛିଟିକି ପଡ଼ିଥିଲେ । ଆଜି ସକାଳେ ସ୍ଥାନୀୟ ଲୋକ ରାସ୍ତାକଡ଼ରେ ମୃତଦେହ ପଡ଼ିଥିବା ଦେଖି ପୋଲିସକୁ ଖବର ଦେଇଥିଲେ । ଦୁର୍ଘଟଣାରେ ବାଇକଟି ଭାଙ୍ଗି ଚୁରମାର ହୋଇଛି ।
Comments are closed.