ଡ୍ରୋନ୍ ଯୋଗେ ଜମ୍ମୁ ଏୟାରଫୋର୍ସ ଷ୍ଟେସନରେ ବିସ୍ଫୋରଣ ସନ୍ଦେହ

ଶ୍ରୀନଗର: ଜମ୍ମୁ ଏୟାରପୋର୍ଟ ପରିସରରେ ଥିବା ଏୟାରଫୋର୍ସ ଷ୍ଟେସନରେ ବିସ୍ଫୋରଣ ଘଟଣାକୁ ନେଇ ତନାଘନା ଚାଲିଛି । ହାଇ ସିକ୍ୟୁରିଟି ଜୋନରେ କେମିତି ଦୁଇ ଦୁଇଟି ବିସ୍ଫୋରଣ ହେଲା । ସାମନାକୁ ଆସିଛି ସାଂଘାତିକ ତଥ୍ୟ । ଡ୍ରୋନ୍ ଯୋଗେ ଏହି ବିସ୍ଫୋରକ ସାମଗ୍ରୀ ପକାଯାଇଥିବା ସନ୍ଦେହ କରାଯାଉଛି । ଏଥିରେ ବିଲଡିଂର ଛାତ କ୍ଷତିଗ୍ରସ୍ତ ହୋଇଛି ।

ପ୍ରଥମ ବିସ୍ଫୋରଣ ଗତକାଲି ରାତି ୧ଟା ୩୭ ମିନିଟ୍ ଓ ଦ୍ୱିତୀୟ ବିସ୍ଫୋରଣ ଠିକା ୫ ମିନିଟ୍ ପରେ ରାତି ୧ଟା ୪୨ ମିନିଟରେ ହୋଇଥିଲା । ବେଶୀ କିଛି କ୍ଷୟକ୍ଷତି ହୋଇ ନଥିଲେ ବି ସୁରକ୍ଷାକୁ ନେଇ ପ୍ରଶ୍ନବାଚୀ ଉଠିଛି । ବର୍ତ୍ତମାନ ସୁଦ୍ଧା ତଦନ୍ତରୁ ଡ୍ରୋନରୁ ଆଇଡି ପକାଇଥିବା ସନ୍ଦେହ କରାଯାଉଛି । ଗୋଟିଏ ବିସ୍ଫୋରଣ ବିଲଡିଂ ଉପରେ ଓ ଅନ୍ୟଟି ବାହାରେ ହୋଇଥିଲା ।

Damage caused due to explosions by the drones at the Jammu airbase at 1.27am and 1.32 am today. Initial inputs suggest that shaped charge (explosive device) used for the explosions: Sources pic.twitter.com/53euEdNpfD

— ANI (@ANI) June 27, 2021

ବିସ୍ଫୋରଣ ପଛରେ ଆତଙ୍କବାଦୀ ଲିକ୍ ଦିଗ ବି ସାମନାକୁ ଆସୁଛି । ଏନଆଇଏ ଓ ଏନଏସଜି ଟିମ୍ ଘଟଣାସ୍ଥଳକୁ ଆସୁଛନ୍ତି । କୁହାଯାଉଛି ଟାର୍ଗେଟରେ ଥିଲା ଏୟାରବେସରେ ଥିଲା ଏୟାରକ୍ରାଫ୍ଟ । ତେବେ କୌଣସି ଜିନିଷ କିମ୍ବା ଏୟାରକ୍ରାଫ୍ଟର କୌଣସି କ୍ଷତି ହୋଇ ନାହିଁ ।

ବାୟୁସେନାର ଏକ ଉଚ୍ଚସ୍ତରୀୟ ଟିମ୍ ବି ଜମ୍ମୁ କଶ୍ମୀର ଆସିପାରେ । ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଏନେଇ ବାୟୁସେନା ଭାଇସ ଏୟାର ଚିଫ୍ ଏୟାର ମାର୍ଶଲ ଏଚ୍. ଏସ୍. ଆରୋରାଙ୍କ ସହ କଥା ହୋଇଛନ୍ତି । ଘଟଣାସ୍ଥଳକୁ ଯାଇଛନ୍ତି ଭାଇସ ଏୟାର ଚିଫ୍ ଏୟାର ମାର୍ଶଲ ଏଚ୍. ଏସ୍. ଆରୋରା ।

Raksha Mantri Shri @rajnathsingh spoke to Vice Air Chief, Air Marshal HS Arora regarding today’s incident at Air Force Station in Jammu. Air Marshal Vikram Singh is reaching Jammu to take stock of the situation.

— रक्षा मंत्री कार्यालय/ RMO India (@DefenceMinIndia) June 27, 2021