ଆଠମଲ୍ଲିକ: ବୌଦ୍ଧ ଆଠମଲ୍ଲିକ ବନ ବିଭାଗକୁ ବଡ ସଫଳତା ମିଳିଛି । ଏକ କାରରେ ଗଞ୍ଜେଇ ଚୋରା ଚାଲାଣ ହେଉଥିବାବେଳେ ଧରିଛି ବନ ବିଭାଗ । ୪୫ କେଜି ଗଞ୍ଜେଇ ସହ ଗୋଟିଏ କାରକୁ ଜବତ କରିଛି । ଏବଂ ଘଟଣାରେ ସମ୍ପୃକ୍ତ ଥିବା ଦୁଇ ବେପାରୀଙ୍କୁ ଗିରଫ କରାଯାଇଛି । ସୂଚନା ଅନୁସାରେ ବୌଦ୍ଧ ଜିଲ୍ଲା ଆଠମଲ୍ଲିକ ଥାନା ନିକଟ ରାସ୍ତାରେ ଏକ କାରରେ ଦୁଇ ଜଣ ଗଞ୍ଜେଇ ବେପାରୀ ଯାଉଥିଲେ ।
କୌଣସି ବିଶେଷ ସୂତ୍ରରୁ ଖବର ପାଇ ଅବକାରୀ ବିଭାଗ ଚଢାଉ କରିଥିଲା । ଫଳରେ କାରରୁ ୪୫ କେଜି ୮୦୦ ଗ୍ରାମର ଗଞ୍ଜେଇ ଜବତ କରିଥିଲା । ଏହାସହ ଦୁଇ ଗଞ୍ଜେଇ ବେପାରୀଙ୍କୁ ମଧ୍ୟ ଗିରଫ କରିଛି । ଦୁଇ ବେପାରୀ ସୁଶାନ୍ତ ମହନନ୍ଦିଆ ଏବଂ ସୁଶୀଲ ମହନନ୍ଦିଆ ବୋଲି ଜଣାପଡିଛି । ତେବେ ଜବତ ଗଞ୍ଜେଇର ମୂଲ୍ୟ ୪ ଲକ୍ଷରୁ ଉର୍ଦ୍ଧ୍ବ ହେବ ବୋଳି ଅନୁମାନ କରାଯାଉଛି ।