ପୁଣି ନାବାଳିକା ଦୁଷ୍କର୍ମ : ରାସ୍ତାରୁ ଟେକିନେଲେ ଦୁର୍ବୃତ୍ତ

ନୟାଗଡ଼ / ରାଉରକେଲା : ମଙ୍ଗଳବାର ଦିନ ସକାଳେ ଓଡ଼ିଶାରେ ଘଟିଯାଇଛି ୨ଟି ଦୁଷ୍କର୍ମ ଘଟଣା । ଗୋଟିଏ ଘଟଣା ନୟାଗଡ଼ରେ ଏବଂ ଅନ୍ୟଟି ସୁନ୍ଦରଗଡ଼ ଜିଲ୍ଲାରେ ଘଟିଥିବାର ସୂଚନା ମିଳିଛି ।
ନୟାଗଡ଼ର କୃଷ୍ଣଚନ୍ଦ୍ରପୁର ଠାରେ ଜନୈକା ମାନସିକ ଅନଗ୍ରସର ବାଳିକାକୁ ତା’ର ସମ୍ପର୍କୀୟ ଦୁଷ୍କର୍ମ କରିଥିବାର ପୁଲିସ ସୂତ୍ରରୁ ଜଣାପଡ଼ିଛି ।
ପୀଡ଼ିତାଙ୍କ ପରିବାରର ଚାନ୍ଦପୁର ଥାନାରେ ଅଭିଯୋଗ କରିବାପରେ ପୁଲିସ ଅଭିଯୁକ୍ତକୁ ଧରିବାକୁ ଛାନଭିନ୍ ଜାରି ରଖିଛି ।
ଅନ୍ୟ ଏକ ଦୁଷ୍କର୍ମ ଘଟଣା ଘଟିଛି ସୁନ୍ଦରଗଡ଼ ଜିଲ୍ଲାରେ । ରାଉରକେଲା ଟାଉନ ପୋଲିସ ଥାନା ନିକଟରେ ଜଣେ ଯୁବତୀ ଗଣଦୁଷ୍କର୍ମର ଶୀକାର ହୋଇଛନ୍ତି । ପୀଡ଼ିତା ଜଣକ ଘରକୁ ଏକୁଟିଆ ଫେରୁଥିବା ବେଳେ ୨ ଜଣ ଯୁବକ ତାଙ୍କୁ ରାସ୍ତାରୁ ଟେକି ନେଇ ଗଣଦୁଷ୍କର୍ମ କରିଥିଲେ ।
ଏନେଇ ପୀଡ଼ିତାଙ୍କ ପରିବାର ପକ୍ଷରୁ ଥାନାରେ ଏକ ମାମଲା ରୁଜୁ ହୋଇଛି । ପୁଲିସ ଏହି ଗଣଦୁଷ୍କର୍ମ ଘଟଣାରେ ସମ୍ପୃକ୍ତ ୨ଜଣ ଅଭିଯୁକ୍ତଙ୍କୁ ଗିରଫ କରିବାକୁ ଛାନଭିନ୍ ଜାରି ରଖିଛି ।