ଭୁବନେଶ୍ୱର : ସୋନପୁର ଜିଲ୍ଲା ବୀରମହାରାଜପୁର ନିକଟବର୍ତ୍ତୀ ଚାନ୍ଦିଲି ରାଜପଥରେ ଏକ ବସ ଦୁର୍ଘଟଣାଗ୍ରସ୍ତ ହୋଇ ନାଳକୁ ଖସି ପଡ଼ିଛି । ଏହି ଦୁର୍ଘଟଣାରେ ୨ଜଣ ଯାତ୍ରୀ ଗୁରୁତର ଆହତ ହୋଇଛନ୍ତି ।
ଜଗଦ୍ଦଲପୁରରୁ ୪୦ ଜଣ ଯାତ୍ରୀଙ୍କୁ ନେଇ ଓଡ଼ିଶାର ଧର୍ମଗଡ଼ ଆସୁଥିଲା ଏକ ବସ । ଓଡ଼ିଶା ଛତିଶଗଡ଼ ସୀମାନ୍ତ ଗାଁ ଚାନ୍ଦିଲି ଠାରେ ବସଟି ଦୁର୍ଘଟଣାଗ୍ରସ୍ତ ହୋଇ ଏକ ନାଳ ମଧ୍ୟକୁ ଖସି ପଡ଼ିଛି । ଫଳରେ ବସରେ ଥିବା ୨ ଜଣ ଯାତ୍ରୀ ଆହତ ହୋଇଛନ୍ତି । ଆହତ ଯାତ୍ରୀମାନଙ୍କୁ ନିକଟସ୍ଥ ଡ଼ାକ୍ତରଖାନାରେ ଭର୍ତ୍ତି କରାଯାଇଛି ।
ତେବେ ଅନ୍ୟ ଯାତ୍ରୀମାନେ ସୁରକ୍ଷିତ ରହିଛନ୍ତି ବୋଲି ସୂଚନା ମିଳିଛି । ଚିକିତ୍ସିତ ହେଉଥିବା ଜଣେ ଯାତ୍ରୀଙ୍କ ଅବସ୍ଥା ଗୁରତର ରହିଛି । ପୋଲିସ ଘଟଣାସ୍ଥଳରେ ଯାଞ୍ଚ କରୁଛି ।
ଏହି ଦୁର୍ଘଟଣାଟି ଜଗଦ୍ଦଲପୁରରୁ ୨୨ କିମି ଦୂର ଓଡ଼ିଶା-ଛତିଶଗଡ଼ ସୀମାନ୍ତ ଗ୍ରାମ ଚାନ୍ଦିଲି ନିକଟରେ ଘଟିଥିବାର ସୂତ୍ରରୁ ସୂଚନା ମିଳିଛି ।