କେନ୍ଦୁଝର: ପୋଖରୀ ବୁଡି ୨ ଶିଶୁ କନ୍ୟା ମୃତ । କେନ୍ଦୁଝର ଜିଲ୍ଲା ତେଲକୋଇ ଥାନା ଅଧୀନ ଜଗମୋହନପୁର ଗାଁ ମୁଣ୍ଡା ସାହିରେେ ଏହିି ଅଭାବନୀୟ ଘଟଣା ଘଟିଛି। ମୃତକମାନେ ହେଲେ ଗାଁର ଯୋଗୀ ମୁଣ୍ଡାଙ୍କ ୨ ବର୍ଷର ଝିଅ ସୁଇଟି ମୁଣ୍ଡା ଓ ସୁଶୀଲ ମୁଣ୍ଡାଙ୍କ ୩ ବର୍ଷର ଝିଅ ପରି ମୁଣ୍ଡା ।
ଦୁଇ ପିଲାଙ୍କର ପରିବାର ଲୋକ ଜମିରେ କାମ କରିବା ପାଇଁ ଯାଇଥିଲେ । ଏତିକିବେଳେ ସେମାନେ ଘର ପାଖରେ ଥିବା କମାର ସାହି ପୋଖରୀ ପାଖରେ ଖେଳୁଥିଲେ। ଘରକୁ ଫେରିବା ପରେ ସୁଇଟି ମୁଣ୍ଡାଙ୍କ ମା ଲକ୍ଷ୍ମୀ ମୁଣ୍ଡା ଝିଅକୁ ପାଇନଥିଲେ। ଖୋଜାଖୋଜି ପରେ ଘର ପାଖରେ ଥିବା ପୋଖରୀରେ ସୁଇଟି ଓ ତା ସହ ଖେଳୁଥିବା ପରୀ ଭାସୁଥିବା ଦେଖିଥିଲେ।
ଦୁହିଁଙ୍କୁ ଉଦ୍ଧାର କରି ତେଲକୋଇ ମେଡିକାଲରେ ଭର୍ତ୍ତି କରାଯାଇଥିଲା। କିନ୍ତୁ ସେଠାରେ ଡାକ୍ତର ସେମାନଙ୍କୁ ମୃତ ଘୋଷଣା କରିଥିଲେ। ଏହି ଘଟଣା ପରେ ଜଗମୋହନପୁର ମୁଣ୍ଡାସାହି ସ୍ତବ୍ଧ ହୋଇଯାଇଛି। ଦୁଇ ପିଲାଙ୍କୁ ହରାଇଥିବା ପରିବାରରେ ଶୋକାର ଛାୟା ଖେଳିଯାଇଛି ।
Comments are closed.