ବଜ୍ରାଘାତରେ ଦୁଇ ବଳଦ ଜୀବନ୍ତ ଦଗ୍ଧ

ପୋଲସରା: ଦୁଇଟି ବଳଦ ବଜ୍ରାଘାତରେ ଜିଅନ୍ତା ପୋଡି ମାରିଯାଇଛନ୍ତି । ଏଭଳି ଏକ ହୃଦୟ ବିଦାରକ ଘଟଣା ଘଟିଛି ଗଂଜାମ ଜିଲ୍ଲା ପୋଲସରା ବ୍ଲକ ଅନ୍ତର୍ଗତ ଢୁଙ୍କାପଡା ଗ୍ରାମରେ । ସୂଚନାନୁସାରେ, ଢୁଙ୍କାପଡା ଗ୍ରାମର ବୃନ୍ଦାବନ ଦାସଙ୍କ ଦୁଇ ବଳଦ ତାଙ୍କ ଗୁହାଳ ମଧ୍ୟରେ ଥିଲେ । ଶନିବାର ଅପରାହ୍ନରେ ପ୍ରବଳ ବର୍ଷା ସହ ବଜ୍ରପାତ ହୋଇଥିଲା । ବଜ୍ରପାତରେ ଚାଳ ଛପର ଗୁହାଳ ଘରେ ହଠାତ୍ ନିଆଁ ଲାଗିଯାଇଥିଲା । ଦେଖୁଦେଖୁ ନିଆଁ କରାଳ ରୂପ ଧାରଣ କଲା । ଏହି ନିଆଁରେ ଗୁହାଳ ଘରେ ଥିବା ଦୁଇ ବଳଦ ଜୀବନ ଦଗ୍ଧ ହୋଇଥିବା ସୂଚନା ମିଳିଛି । ଏହି ଘଟଣାଟି ଅତ୍ୟନ୍ତ ହୃଦୟ ବିଦାରକ ହୋଇଥିବା ବେଳେ ଏହାକୁ ନେଇ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳି ଯାଇଛି । ଚାଷ କରି ପେଟ ପୋଷୁଥିବା ବୃନ୍ଦାବନ ଦାସ ଦୁଇଟି ବଳଦକୁ ହରାଇ ସର୍ବସ୍ୱନ୍ତ ହୋଇ ପଡିଛନ୍ତି । ବୃନ୍ଦାବନଙ୍କୁ ସରକାରୀ ସାହାଯ୍ୟ ଏବଂ ସହଯୋଗ ଯୋଗାଇ ଦେବାକୁ ଦାବି କରିଛନ୍ତି ସ୍ଥାନୀୟ ବାସିନ୍ଦା। ।