ବାସୁଦେବପୁର : ବାସୁଦେବପୁର ବ୍ରଜାନନ୍ଦପୁର ଗାଁରେ ଘଟିଛି ଅଘଟଣ । ପୋଖରୀରେ ବୁଡି ଦୁଇ ଭଉଣୀଙ୍କର ମୃତ୍ୟୁ ହୋଇଛି । ଘର ନିକଟରେ ଥିବା ଏକ ପୋଖରୀରେ ଗାଧୋଇବାକୁ ଯାଇଥିବା ବେଳେ ଦୁଇ ନାବାଳିକା ବୁଡି ଯାଇଥିଲେ । ସ୍ଥାନୀୟ ଲୋକେ ସେମାନଙ୍କୁ ଉଦ୍ଧାର କରି ମେଡିକାଲକୁ ନେଇ ଯାଇଥିଲେ ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
୧୨ ବର୍ଷର ଲକ୍ଷ୍ମୀପ୍ରିୟା ନିଜର ସମ୍ପର୍କୀୟା ଭଉଣୀ ୯ବର୍ଷୀୟା ବବଲି ସହ ପୋଖରୀକୁ ଗାଧୋଇବାକୁ ଯାଇଥିଲେ । ଗଭୀର ପାଣିକୁ ଚାଲିଯାଇଥିବା ବେଳେ ସେମାନଙ୍କ ଗୋଡ ଖସିଯାଇଥିଲା । ପାଣିରୁ ବାହାରିନପାରି ଦୁଇ ଜଣ ବୁଡିଯାଇଥିଲେ । ତେବେ କିଛି ସମୟ ପରେ ସେମାନଙ୍କୁ ଉଦ୍ଧାର କରାଯାଇଥିଲେ ବି ତାଙ୍କର ମୃତ୍ୟୁ ହୋଇଯାଇଥିଲା ।
Comments are closed.