ଉଦ୍ଧବଙ୍କ ମୁଖ୍ୟମନ୍ତ୍ରୀ ଆସନ ବଂଚାଇଦେଲେ ଭଗତ ସିଂ!

ମହାରାଷ୍ଟ୍ର: ଟଳିପାରେ ସଂକଟ । ବଂଚିପାରେ ଉଦ୍ଧବ ଠାକରେଙ୍କ ମହାରାଷ୍ଟ୍ର ମୁଖ୍ୟମନ୍ତ୍ରୀ ଆସନ । ରାଜ୍ୟପାଳ ଭଗତ ସିଂ କେଶୟାରୀଙ୍କ କୋଟାରେ ଥିବା ୨ଟି ଏମ୍‌ଏଲ୍‌ସି ଆସନ ମଧ୍ୟରୁ ଗୋଟିଏରୁ ଉଦ୍ଧବଙ୍କୁ ମନୋନୀତ କରାଯିବ । ଏନେଇ ଗୁରୁବାର ହୋଇଥିବା କ୍ୟାବିନେଟ ବୈଠକରେ ନିଷ୍ପତ୍ତି ହୋଇଛି। ମନ୍ତ୍ରୀ ନବାବ ମଲ୍ଲିକ ଏନେଇ ସୂଚନା ଦେଇଛନ୍ତି । ଏହି ନିଷ୍ପତ୍ତି ପରେ ଉଦ୍ଧବ ଠାକରେଙ୍କୁ ଆଶ୍ୱସ୍ତି ମିଳିଛି।
ସୂଚନା ଯୋଗ୍ୟ ଯେ, ମହାରାଷ୍ଟ୍ରରେ କରୋନା ସଂକ୍ରମଣ ଯୋଗୁଁ ଏମ୍‌ଏଲ୍‌ସି ନିର୍ବାଚନ ସ୍ଥଗିତ ରଖାଯାଇଥିଲା । ସେବେଠାରୁ ଉଦ୍ଧବଙ୍କ ମୁଖ୍ୟମନ୍ତ୍ରୀ ଆସନକୁ ନେଇ ସଙ୍କଟ ଦେଖାଦେଇଥିଲା । କିନ୍ତୁ ଏବେ ଏହି ସଂକଟ ଟଳି ଯାଇଥିବା ଜଣାପଡିଛି । ସାମ୍ବାଧାନିକ ବ୍ୟବସ୍ଥା ଅନ୍ତର୍ଗତ କୋଟର ଦୁଇଟି ଏମ୍‌ଏଲ୍‌ସି ଆସନରୁ ଗୋଟିଏ ଆସନରେ ଉଦ୍ଧବଙ୍କୁ ମନୋନୀତ କରିବା ପାଇଁ ପଦକ୍ଷେପ ଗ୍ରହଣ କରାଯାଇଥିବା ନେଇ ମନ୍ତ୍ରୀ ନବାବ ମଲ୍ଲିକ କହିଛନ୍ତି।