ମୁମ୍ବାଇ: ନିଜ ପୋଷାକ ପରିଧାନକୁ ନେଇ ସବୁବେଳେ ଚର୍ଚ୍ଚାରେ ରହୁଥିବା ଅଭିନେତ୍ରୀ ତଥା ମଡ଼େଲ ଉର୍ଫି ଜାଭେଦ୍ ତିନି ଦିନ ତଳେ ବିମାନରେ ଅସଦାଚରଣର ଶିକାର ହୋଇଥିବା ବେଳେ ସୋମବାର ପୁଣି ବିମାନବନ୍ଦରରେ ଆକ୍ରୋଶର ଶୀକାର ହୋଇଛନ୍ତି । ବିମାନବନ୍ଦରରେ ତାଙ୍କ ପୋଷାକକୁ ନେଇ ସମସ୍ତଙ୍କ ଆଗରେ ଜଣେ ବ୍ୟକ୍ତି ଉର୍ଫିଙ୍କୁ ଗାଳିଗୁଲଜ କରିଥିଲେ । ବ୍ୟକ୍ତିଜଣକ ତାଙ୍କୁ ସର୍ବସମ୍ମୁଖରେ ଅପମାନିତ କରିଥିବାରୁ ଉର୍ଫି ରାଗିଯାଇ ତାଙ୍କ ସହ ଝଗଡ଼ା କରିଥିଲେ । ଏହାର ଏକ ଭିଡ଼ିଓ ଏବେ ଭାଇରାଲ ହେବାରେ ଲାଗିଛି ।
ଭାଇରାଲ ଭିଡିଓରେ ଦେଖାଯାଇଛି ଯେ, ଉର୍ଫି ସବୁଜ ରଙ୍ଗର ବ୍ୟାକଲେସ୍ ଏକ ଡ୍ରେସ ପିନ୍ଧି ମୁମ୍ବାଇ ବିମାନବନ୍ଦର ଭିତରକୁ ଯାଉଛନ୍ତି । ତାଙ୍କୁ ଦେଖି କିଛି ଫଟୋଗ୍ରାଫର ତାଙ୍କ ଫଟୋ ଉଠାଉଛନ୍ତି । ଏହି ସମୟରେ ଜଣେ ବ୍ୟକ୍ତି ଦୁଇଟି ଗ୍ଲାସରେ ପାଣି ଧରି ଉର୍ଫିଙ୍କ ନିକଟକୁ ଆସିବା ସହ ଭାରତରେ ଏଭଳି ହୁଏ ନାହିଁ । ତୁମେ ଦେଶର ନାମ ଖରାପ କରୁଛ ବୋଲି କହୁଛନ୍ତି । ଏକଥା ଶୁଣି ଉର୍ଫି ହଠାତ୍ ରାଗିଯାଉଛର୍ନ୍ତି । ରାଗରେ ଉର୍ଫି କହୁଛନ୍ତି ଯେ, ତୁମ ବାପାଙ୍କର କିଛି ଅସୁବିଧା ଅଛି କି? ଯାଅ ନିଜ କାମ କର । ଏହା ପରେ ତାଙ୍କ ସହ ଥିବା ଜଣେ ଯୁବତୀ ଉର୍ଫିଙ୍କୁ କିଛି ନ କହିବାକୁ କହି ପରିସ୍ଥିତିକୁ ସମ୍ଭାଳିବାକୁ ଚେଷ୍ଟା କରୁଛନ୍ତି ।
Comments are closed.