ଦୁବାଇ: ବଲିଉଡ ଅଭିନେତ୍ରୀ ଉର୍ବଶୀ ରାଉତେଲା ପୁଣିଥରେ ତାଙ୍କ ବ୍ୟକ୍ତିଗତ ଜୀବନ ପାଇଁ ଲାଇମଲାଇଟକୁ ଆସିଛନ୍ତି। ଚଳଚ୍ଚିତ୍ର ଅପେକ୍ଷା ଉର୍ବଶୀ ତାଙ୍କ ଛୁଟି ଏବଂ ହଟ୍ ଫଟୋସୁଟ ପାଇଁ ପ୍ରଶଂସକଙ୍କ ଗହଣରେ ବେଶି ଚର୍ଚ୍ଚା ସାଉଁଟିଛନ୍ତି।
ଏଭଳି ପରିସ୍ଥିତିରେ ଉର୍ବଶୀଙ୍କର ଆଉ ଏକ ଫଟୋ ସୋସିଆଲ୍ ମିଡିଆରେ ଭାଇରାଲ୍ ହେବାରେ ଲାଗିଛି। ଯେଉଁଥିରେ ଉର୍ବଶୀ ଦୁବାଇର ଶେଖ୍ ଅମୀର୍ଙ୍କ ସହ ଛୁଟିଦିନ ଉପଭୋଗ କରୁଥିବା ଦେଖିବାକୁ ମିଳିଛି।
ବାସ୍ତବରେ, ଏକ ଅଳଙ୍କାର କମ୍ପାନୀ ପାଇଁ ଏକ ପ୍ରୋତ୍ସାହନମୂଳକ କାର୍ଯ୍ୟକ୍ରମରେ ଯୋଗଦେବା ବ୍ୟତୀତ ଉର୍ବଶୀ ଶେଖ ଆମୀରଙ୍କ ବ୍ୟକ୍ତିଗତ ପ୍ରାଣୀ ଉଦ୍ୟାନ ପରିଦର୍ଶନ କରିଥିଲେ।
ସେଠାରେ ଉର୍ବଶୀଙ୍କୁ ଏକ ଜିରାଫ, ଚିତା ଏବଂ ଶେଖଙ୍କ ପ୍ରିୟ ଘୋଡା ସହିତ ଫଟୋ ଉଠାଇଥିବା ଦେଖିବାକୁ ମିଳିଥିଲା। ତେବେ ଉର୍ବଶୀଙ୍କ ଏହି ଫଟୋ ଭାଇରାଲ୍ ହେବା ପରେ ତାଙ୍କ ବ୍ୟକ୍ତିଗତ ଜୀବନକୁ ନେଇ ଚର୍ଚ୍ଚା ପୁଣି ଥରେ ଆରମ୍ଭ ହୋଇଯାଇଛି।
ଏଥିସହ ଉର୍ବଶୀ ମରୁଭୂମିରେ ଏକ ଓଟ ଉପରେ ବସି ରାଇଡିଂ କରୁଥିବା ଭିଡିଓ ମଧ୍ୟ ପ୍ରଶଂସକଙ୍କ ସହ ସୋସିଆଲ ମିଡିଆରେ ସେୟାର କରିଛନ୍ତି।
Comments are closed.