ୱାଶିଂଟନ୍: ଆଫଗାନିସ୍ତାନରୁ ୧,୨୪,୦୦୦ ଲୋକଙ୍କୁ ସୁରକ୍ଷିତ ଭାବେ ସ୍ଥାନାନ୍ତର କରାଯିବା ସହିତ ଆମେରିକା ଇତିହାସର ସବୁଠାରୁ ବଡ ବିମାନ ଉଡ଼ାଣ ସମାପ୍ତ କରିଛି ବୋଲି ଜଣେ ସରକାରୀ ଅଧିକାରୀ ମଙ୍ଗଳବାର କହିଛନ୍ତି।
ଆମେରିକାର ବୈଦେଶିକ ବିଭାଗର ମୁଖପାତ୍ର ଏକ ଟ୍ୱିଟରେ କହିଛନ୍ତି ଯେ ଆମେରିକା ଇତିହାସର ସବୁଠାରୁ ବଡ ବିମାନ ଚଳାଚଳ ସମାପ୍ତ କରିଛି ଯେଉଁଥିରେ ୧,୨୪,୦୦୦ ଲୋକ ଆଫଗାନିସ୍ତାନରୁ ସୁରକ୍ଷିତ ଭାବେ ସ୍ଥାନାନ୍ତରିତ ହୋଇଛନ୍ତି। ସବୁଠାରୁ କଠିନ ପରିସ୍ଥିତିରେ ସତ୍ତ୍ବେ ଏହା ସମ୍ଭବ ହୋଇପାରିଛି।
ସୂଚନା ଅନୁଯାୟୀ ଅପରେସନ୍ ସହଯୋଗୀ ମିଶନ ଅଧୀନରେ ଆମେରିକାରେ ପହଞ୍ଚୁଥିବା ସମସ୍ତ ଲୋକଙ୍କୁ ଟିକାକରଣ କରିବାକୁ ଯୋଜନା କରାଯାଉଛି। ତାଲିବାନ ଆଫଗାନିସ୍ତାନ ଦଖଲ ପରେ ମହିଳା ଏବଂ ଶିଶୁଙ୍କ ସମେତ ଆଫଗାନିସ୍ତାନରେ ଆମେରିକାର ସ୍ଥାୟୀ ବାସିନ୍ଦାଙ୍କୁ ସ୍ଥାନାନ୍ତର କରିବା ଉଦ୍ଦେଶ୍ୟରେ ଏହି ମିଶନ ହାତକୁ ନିଆଯାଇଛି।