ଆମେରିକାରେ ବାଇଡେନ୍ ରାଜ୍; ୫ ଲକ୍ଷ ଭାରତୀୟଙ୍କୁ ମିଳିବ ଆମେରିକୀୟ ନାଗରିକତ୍ୱ!
ନୂଆଦିଲ୍ଲୀ: ଆମେରିକାର ରାଷ୍ଟ୍ରପତି ନିର୍ବାଚନରେ ଡୋନାଲ୍ଡ ଟ୍ରମ୍ପଙ୍କୁ ପରାସ୍ତ କରିଥିବା ଜୋ ବାଇଡେନ୍ ୧୦ ମିଲିୟନରୁ ଅଧିକ ପ୍ରବାସୀଙ୍କୁ ଆମେରିକୀୟ ନାଗରିକତ୍ୱ ଦେବାକୁ ଯାଉଛନ୍ତି। ବାଇଡେନ୍ ୧.୧ କୋଟି ପ୍ରବାସୀଙ୍କୁ ନାଗରିକତ୍ୱ ପ୍ରଦାନ ଦିଗରେ ଏକ ରୋଡମ୍ୟାପ ସୃଷ୍ଟି କରିବାକୁ କାର୍ଯ୍ୟ କରିବେ। ଯେଉଁଥିରେ ପାଞ୍ଚ ଲକ୍ଷ ଭାରତୀୟ ଅନ୍ତର୍ଭୁକ୍ତ। ଏହି ଯୋଜନା ଅନୁଯାୟୀ, ପ୍ରତିବର୍ଷ ୯୫,୦୦୦ ଲୋକଙ୍କୁ ଆମେରିକୀୟ ନାଗରିକତ୍ୱ ଦିଆଯିବ।
ବାଇଡେନ୍ଙ୍କ ନିର୍ବାଚନ ପ୍ରଚାର ସମୟରେ ପ୍ରକାଶିତ ଏକ ଦଲିଲ ଅନୁଯାୟୀ, ସେ ତୁରନ୍ତ କଂଗ୍ରେସ ସହିତ କାର୍ଯ୍ୟ ଆରମ୍ଭ କରିବେ ଯାହା ତାଙ୍କ ବ୍ୟବସ୍ଥାକୁ ଆଧୁନିକୀକରଣ କରିବ। ଏଥିରେ ୧.୧ କୋଟି ଅଜ୍ଞାତ ପ୍ରବାସୀମାନଙ୍କ ପାଇଁ ନାଗରିକତ୍ୱ ରୋଡମ୍ୟାପ ପ୍ରସ୍ତୁତ କରିବା ଅନ୍ତର୍ଭୁକ୍ତ। ଏହି ପ୍ରବାସୀ ଭାରତୀୟଙ୍କ ମଧ୍ୟରେ ପାଞ୍ଚ ଲକ୍ଷ ଭାରତୀୟ ସାମିଲ୍ ହେବେ କରନ୍ତି ଯେଉଁମାନେ ଏହି ସୁବିଧା ପାଇବେ।
ରିପୋର୍ଟ ଅନୁଯାୟୀ ଡେମୋକ୍ରାଟ୍ସଙ୍କ ନିର୍ବାଚନୀ ଦଲିଲରେ ଦର୍ଶାଯାଇଛି ଯେ ବାଇଡେନ୍ ପ୍ରଶାସନ ପରିବାର ଭିତ୍ତିକ ଇମିଗ୍ରେସନକୁ ସମର୍ଥନ କରିବ ଏବଂ ପରିବାରର ଇମିଗ୍ରେସନ ସିଷ୍ଟମର ମୂଳ ନୀତି ଭାବରେ ପରିବାର ଏକୀକରଣକୁ ସଂରକ୍ଷଣ କରିବ।