ନୂଆଦିଲ୍ଲୀ: ଅକ୍ଟୋବର ୧୫ ରେ ହେବାକୁ ଥିବା ଆମେରିକାରେ ଦ୍ୱିତୀୟ ପ୍ରେସିଡେନ୍ସିଆଲ୍ ଡିବେଟ୍କୁ ବାତିଲ୍ କରାଯାଇଛି। କମିସନ୍ ଅନ୍ ପ୍ରେସିଡେନ୍ସିଆଲ୍ ଡିବେଟ୍ସ ପକ୍ଷରୁ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏବଂ ଗଣତାନ୍ତ୍ରିକ ପ୍ରାର୍ଥୀ ଜୋ ବିଡେନଙ୍କ ମଧ୍ୟରେ ହବାକୁ ଥିବା ଆଗାମୀ ବିତର୍କକୁ ବାତିଲ କରିବାକୁ ନିଷ୍ପତ୍ତି ନେଇଛନ୍ତି। ବର୍ତ୍ତମାନ ତୃତୀୟ ତଥା ଅନ୍ତିମ ବିତର୍କ ୨୨ ଅକ୍ଟୋବରରେ ଅନୁଷ୍ଠିତ ହେବ |
ରାଷ୍ଟ୍ରପତି ବିତର୍କ ଆୟୋଗ ଏକ ବିବୃତ୍ତିରେ କହିଛନ୍ତି ଯେ ଅକ୍ଟୋବର ୧୫ ରେ କୌଣସି ବିତର୍କ ହେବ ନାହିଁ। ଏହାପୂର୍ବରୁ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କହିଥିଲେ ଯେ ଅକ୍ଟୋବର ୧୫ରେ ଦ୍ୱିତୀୟ ରାଷ୍ଟ୍ରପତି ବିତର୍କ ପାଇଁ ସେ ସମ୍ପୂର୍ଣ୍ଣ ଫିଟ୍। ଅନ୍ୟପକ୍ଷରେ ଡେମୋକ୍ରାଟିକ୍ ପାର୍ଟି ପ୍ରାର୍ଥୀ ଜୋ ବିଡେନ ଦ୍ୱିତୀୟ ବିତର୍କ ଉପରେ ସନ୍ଦେହ ପ୍ରକଟ କରିଛନ୍ତି।
ସୋସିଆଲ ମିଡିଆରେ ଉଭୟ ଦଳର ପ୍ରାର୍ଥୀ ମୁହାଁମୁହିଁ ହୋଇଛନ୍ତି। ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କହିଛନ୍ତି ଯେ ସଦ୍ୟତମ ସର୍ଭେରୁ ଯାହା ଜଣାପଡ଼ିଛି ଜୋ ବିଡେନ୍ଙ୍କ ଲୋକପ୍ରିୟତା ବୃଦ୍ଧି ପାଇଛି ଏବଂ ଆଗକୁ ବିଡେନଙ୍କ ପ୍ରତି ବିପଦ ରହିଛି।
ଏକ ସାକ୍ଷାତକାରରେ ଡୋନାଲ୍ଡ ଟ୍ରମ୍ପ କହିଛନ୍ତି ଯେ ଯଦି ଜୋ ବିଡେନ ନିର୍ବାଚନରେ ଜିତନ୍ତି, ତେବେ ଏକ ମାସ ମଧ୍ୟରେ କମଲା ହାରିସ୍ ସବୁକିଛି ତାଙ୍କ ହାତରେ ନେବେ। ଟ୍ରମ୍ପ କମଲା ହାରିସଙ୍କୁ ଜଣେ କମ୍ୟୁନିଷ୍ଟ ବୋଲି ମଧ୍ୟ କହିଛନ୍ତି।
ଅତୀତରେ, ଆମେରିକା ନିର୍ବାଚନ ପାଇଁ ଉପରାଷ୍ଟ୍ରପତି ପ୍ରାର୍ଥୀଙ୍କ ମଧ୍ୟରେ ଏକ ବିତର୍କ ହୋଇଥିଲା, ଯେଉଁଥିରେ କମଲା ହାରିସ୍ ଏବଂ ମାଇକ୍ ପେନ୍ସ ମୁହାଁମୁହିଁ ହୋଇଥିଲେ। ଏହି ବିତର୍କକୁ ନେଇ ଅନେକ ବିବାଦ ରହିଛି।
ଗୋଟିଏ ପଟେ ଡୋନାଲ୍ଡ ଟ୍ରମ୍ପ କହିଛନ୍ତି ଯେ କମଲା ହାରିସ୍ ବିତର୍କରେ ନର୍ଭସ ଥିଲେ ଏବଂ ସମ୍ପୂର୍ଣ୍ଣ ହାରି ଯାଇଥିଲେ। ଅନ୍ୟପକ୍ଷରେ, ଅନେକ ସମାଲୋଚକ ମାଇକ ପେନ୍ସଙ୍କୁ ଭୟଭୀତ ବୋଲି କହିଥିଲେ।