ନ୍ୟୁୟର୍କ: ଆମେରିକା ରାଷ୍ଟ୍ରପତି ଜୋ ବାଇଡେନ ସୋମବାର ଦୋହରାଇଛନ୍ତି ଯେ ସେ ରାଷ୍ଟ୍ରପତି ନିର୍ବାଚନରୁ ପଛଘୁଞ୍ଚା ଦେବେ ନାହିଁ। ସେ ନିଶ୍ଚିତ ଯେ “୨୦୨୪ରେ ଡୋନାଲ୍ଡ ଟ୍ରମ୍ପଙ୍କୁ ପରାସ୍ତ କରିବା ପାଇଁ ସର୍ବୋତ୍ତମ ବ୍ୟକ୍ତି” ।
ଜୋ ବାଇଡେନ ତାଙ୍କ ସାଥୀ ଡେମୋକ୍ରାଟମାନଙ୍କୁ ଦେଇଥିବା ଏକ ବିବୃତ୍ତିରେ କହିଛନ୍ତି ଯେ ଗଣମାଧ୍ୟମ ଏବଂ ଅନ୍ୟାନ୍ୟ ସ୍ଥାନରେ ସମସ୍ତ କଳ୍ପନାଜଳ୍ପନା ସତ୍ତ୍ୱେ ସେ ଶେଷ ପର୍ଯ୍ୟନ୍ତ ଦୌଡ଼ରେ ରହିବେ ଏବଂ ରିପବ୍ଲିକାନ୍ ପ୍ରତିଦ୍ୱନ୍ଦ୍ୱୀ ଡୋନାଲ୍ଡ ଟ୍ରମ୍ପଙ୍କୁ ପରାସ୍ତ କରିବାକୁ ଦୃଢ଼ ପ୍ରତିଶ୍ରୁତିବଦ୍ଧ। ବାଇଡେନଙ୍କ ଅସୁସ୍ଥତା ଖବର ଚର୍ଚ୍ଚାକୁ ଆସିବା ପରେ ଉପରାଷ୍ଟ୍ରପତି କମଲା ହାରିସ ଏହି ପଦ ପାଇଁ ପ୍ରାର୍ଥୀ ହୋଇପାରନ୍ତି ବୋଲି ଚର୍ଚ୍ଚା ହେଉଥିଲା।
ବାଇଡେନ୍ ଆହୁରି ମଧ୍ୟ କହିଛନ୍ତି ଯେ ଗତ ୧୦ ଦିନ ମଧ୍ୟରେ ସେ ଡେମୋକ୍ରାଟିକ୍ ଦଳର ନେତା ଏବଂ ଭୋଟରଙ୍କ ସହ ବିସ୍ତୃତ ଆଲୋଚନା କରିଛନ୍ତି । ସେମାନଙ୍କ ସମର୍ଥନରେ ସେ ପ୍ରଭାବିତ ହୋଇଛନ୍ତି। ସେ ଏହା ମଧ୍ୟ ଦାବି କରିଛନ୍ତି ଯେ ରାଷ୍ଟ୍ରପତି ପ୍ରାର୍ଥୀ ପାଇଁ ଡେମୋକ୍ରାଟିକ୍ ଦୌଡ଼ରେ ସେ ସବୁଠାରୁ ଆଗରେ ଅଛନ୍ତି।
ଆମର ଡେମୋକ୍ରାଟିକ୍ ନାମାଙ୍କନ ପ୍ରକ୍ରିୟା ଥିଲା ଏବଂ ଭୋଟରମାନେ ସ୍ପଷ୍ଟ ଏବଂ ନିର୍ଣ୍ଣାୟକ ଭାବରେ ନିଜର ମତ ଦୋହରାଇଛନ୍ତି। ମୋତେ ୧୪ ନିୟୁତରୁ ଅଧିକ ଭୋଟ୍ ମିଳିଥିଲା। ଯାହା କି ସମଗ୍ର ନାମାଙ୍କନ ପ୍ରକ୍ରିୟାରେ ୮୭ ପ୍ରତିଶତ ମତଦାନ ଥିଲା। ମୋର ପାଖାପାଖି ୩୯୦୦ ପ୍ରତିନିଧି ଅଛନ୍ତି, ଯାହା ମୋତେ ଆମ ଦଳର ସମ୍ଭାବ୍ୟ ପ୍ରାର୍ଥୀ କରିଛି ବୋଲି ବାଇଡେନ କହିଛନ୍ତି।
Comments are closed.