ରାଜନୀତିରୁ ଅବସର ନେଲେ ଭିକେ ପାଣ୍ଡିଆନ

ଭୁବନେଶ୍ୱର : ସକ୍ରିୟ ରାଜନୀତିରୁ ଅବସର ନେଲେ ଭିକେ ପାଣ୍ଡିଆନ । କହିଥିଲେ ବିଜେଡି ହାରିଲେ ରାଜନୀତିରୁ ସନ୍ନ୍ୟାସ ନେବି | ଆଉ ଆଜି ବାସ୍ତବତାରେ ସେଇଆ କଲେ ପାଣ୍ଡିଆନ | ଏକ ଭିଡିଓ ବାର୍ତ୍ତା ଜାରି କରି ଅବସର ନେଇଛନ୍ତି ବିଜେଡି ନେତା ଭିକେ ପାଣ୍ଡିଆନ । ଖାଲି ସେତିକି ନୁହେ ରାଜନୀତି ଛାଡ଼ିବା ସହ ଦଳୀୟ କର୍ମୀ ଓ ବିଜୁ ପରିବାରଙ୍କ ନିକଟରେ କ୍ଷମା ପ୍ରାର୍ଥନା କରିଛନ୍ତି ପାଣ୍ଡିଆନ୍ । ତେବେ ଏକ ନିର୍ବାଚନ ପ୍ରଚାର ସଭାରେ ପାଣ୍ଡିଆନ୍‌ କହିଥିଲେ ଯଦି ନବୀନ ପଟ୍ଟନାୟକ ଷଷ୍ଠ ଥର ପାଇଁ ମୁଖ୍ୟମନ୍ତ୍ରୀ ନହୁଅନ୍ତି ତାହେଲେ ସେ ରାଜନୀତିରୁ ସନ୍ନ୍ୟାସ ନେବେ । ଆଉ ଆଜି ଶେଷରେ ସନ୍ନ୍ୟାସ ନେଇଛନ୍ତି ପାଣ୍ଡିଆନ |
ତେବେ ଚଳିତ ନିର୍ବାଚନରେ ସାରା ଓଡିଶା ବାସୀ , ବିରୋଧୀ ଓ ଦଳୀୟ ନେତା ବିଜେଡିର ଶୋଚନୀୟ ପରାଜୟ ପାଇଁ ଭିକେ ପାଣ୍ଡିଆନଙ୍କୁ ଦାୟୀ କରିଥିଲେ | ଯାହା ପରେ ଆଜି ଏକ ଭିଡିଓ ବାର୍ତ୍ତା ଜାରି କରି ରାଜନୀତିରୁ ଅବସର ଘୋଷଣା କରିଛନ୍ତି ପାଣ୍ଡିଆନ୍‌ । ତେବେ ପୂର୍ବରୁ ଆଇଏଏସ ଚାକିରିରୁ ଅବସର ନେଇ ଗତବର୍ଷ ନଭେମ୍ବର ୨୭ରେ ବିଜେଡିରେ  ଯୋଗ ଦେଇଥିଲେ ପାଣ୍ଡିଆନ। ଏହା ପରେ ଚଳିତ ନିର୍ବାଚନୀ ପ୍ରଚାରର ମଙ୍ଗ ଧରିଥିଲେ | ଯାହାକୁ ନେଇ ଅସନ୍ତୋଷ ବୃଦ୍ଧି ପାଇବାରୁ ୨୪ ବର୍ଷ ନିରଙ୍କୁଶ ଶାସନ ପରେ ପରାଜୟର ସ୍ୱାଦ ଚାଖିଛି ବିଜେଡି | ଆଉ ଏହାକୁ ନେଇ ଆଜି ନିଜର ୮ ମାସର ରାଜନୀତି କ୍ୟାରିୟରରୁ ଅବସର ନେଇଛନ୍ତି ପାଣ୍ଡିଆନ |