Vaishno devi yatra: ମାତା ବୈଷ୍ଣୋ ଦେବୀଙ୍କ ଭକ୍ତଙ୍କ ପାଇଁ ଆସିଛି ଖୁସି ଖବର;ପୁଣି ଏହି ଦିନରୁ ଆରମ୍ଭ ହେବ ଯାତ୍ରା…

ନୂଆଦିଲ୍ଲୀ:ଶ୍ରୀ ମାତା ବୈଷ୍ଣୋଦେବୀ ଯାଉଥିବା ଭକ୍ତମାନଙ୍କ ପାଇଁ ଏକ ଖୁସି ଖବର। ଖରାପ ପାଗ ଏବଂ ଟ୍ରାକ୍ ର ଆବଶ୍ୟକ ମରାମତି କାର୍ଯ୍ୟ ଯୋଗୁଁ ଯାତ୍ରା କିଛି ଦିନ ପାଇଁ ବନ୍ଦ କରାଯାଇଥିଲା। ଏବେ ଏହା ସେପ୍ଟେମ୍ବର ୧୪ ରୁ ପୁଣି ଆରମ୍ଭ ହେବାକୁ ଯାଉଛି। ଯାତ୍ରା ପୁନଃଆରମ୍ଭ ଏବଂ ଦର୍ଶନ ପାଇଁ ଦରବାର ଖୋଲିବା ସମ୍ପର୍କରେ ସାଇନ୍ ବୋର୍ଡ ଏକ ଆନୁଷ୍ଠାନିକ ଘୋଷଣା କରିଛି।

ସୂଚନାଥାଉକି, ଗତ କିଛି ଦିନ ଧରି ପ୍ରବଳ ବର୍ଷା ଏବଂ ଖରାପ ପାଗ ଯୋଗୁଁ ଯାତ୍ରା କଷ୍ଟକର ହୋଇପଡିଥିଲା। ଏହା ସହିତ, ଟ୍ରାକର ସୁରକ୍ଷା ଏବଂ ରକ୍ଷଣାବେକ୍ଷଣ ପାଇଁ କିଛି ଆବଶ୍ୟକୀୟ କାର୍ଯ୍ୟ କରିବାକୁ ପଡିଥିଲା। ଏସବୁ କାରଣରୁ ସାଇନ୍ ବୋର୍ଡ ଅସ୍ଥାୟୀ ଭାବରେ ଯାତ୍ରାକୁ ସ୍ଥଗିତ ରଖିଥିଲା। ଏବେ, ପାଗରେ ଉନ୍ନତି ଏବଂ ରକ୍ଷଣାବେକ୍ଷଣ କାର୍ଯ୍ୟ ସମାପ୍ତ ହେବାର ସଙ୍କେତ ପରେ, ବୋର୍ଡ ଯାତ୍ରାକୁ ପୁନଃ ଆରମ୍ଭ କରିବାକୁ ନିଷ୍ପତ୍ତି ନେଇଛି।

ସାଇନ ବୋର୍ଡ ଅନୁଯାୟୀ, ଯଦି ପାଗ ସମେତ ସବୁକିଛି ଠିକ୍ ରହେ, ତେବେ ୧୪ ସେପ୍ଟେମ୍ବର (ରବିବାର) ଠାରୁ ମାତାଙ୍କ ଦରବାର ଦର୍ଶନ ପାଇଁ ପୁଣି ଖୋଲାଯିବ।

ଯଦି ଆପଣଙ୍କୁ ଲାଇଭ୍ ଅପଡେଟ୍, ବୁକିଂ ସେବା କିମ୍ବା ହେଲ୍ପଲାଇନ୍ ସହାୟତା ଆବଶ୍ୟକ, ତେବେ ଆପଣ ସା ଇନ୍ ବୋର୍ଡର ଅଫିସିଆଲ୍ ୱେବସାଇଟ୍ www.maavaishnodevi.org ପରିଦର୍ଶନ କରିପାରିବେ।