ଭାଲେଣ୍ଟାଇନ୍ ଡ଼େ ଅଫର: ସିଙ୍ଗଲଙ୍କ ପାଇଁ ଗୋଟେ ପ୍ଲେଟ ଗୁପ୍‌ଚୁପ୍‌ରେ ଆଉ ଗୋଟେ ପ୍ଲେଟ ଫ୍ରି

ଭାଲେଣ୍ଟାଇନ୍ସ ଡ଼େ ପୂର୍ବରୁ ସାରା ବିଶ୍ୱରେ ପ୍ରେମୀଯୁଗଳ ଉତ୍ସାହର ସହିତ ଭାଲେଣ୍ଟାଇନ୍ ୱିକ୍ ପାଳନ କରୁଛନ୍ତି । ଏହାକୁ ଦୃଷ୍ଟିରେ ରଖି ବିଭିନ୍ନ ଦୋକାନ ଓ ରେସ୍ତୋରାଁରେ ଏକାଧିକ ପ୍ରକାର ଅଫର ଦିଆଯାଉଛି । ଛୋଟବଡ଼ ଦୋକାନ କଥା ଛାଡ଼ନ୍ତୁ, ରାସ୍ତାକଡ଼ରେ ଗୁପ୍‌ଚୁପ୍ ବିକ୍ରି କରୁଥିବା ଜଣେ ଯୁବତୀ ମଧ୍ୟ ଭାଲେଣ୍ଟାଇନ ଅଫର ରଖି ଚର୍ଚ୍ଚାକୁ ଆସିଛନ୍ତି । ଗୋଟେ ପ୍ଲେଟ ଗୁପ୍‌ଚୁପ୍ ସାଙ୍ଗକୁ ଆଉ ଗୋଟେ ପ୍ଲେଟ ମାଗଣା । ତେବେ ଏହି ଅଫର ପ୍ରେମୀ ଯୁଗଳଙ୍କ ପାଇଁ ନୁହେଁ । କେବଳ ସିଙ୍ଗଲଙ୍କ ପାଇଁ ସେ ଏହି ଅଫର ଲାଗୁ କରିଛନ୍ତି । ସୋସିଆଲ ମିଡ଼ିଆରେ ଏହାର ଏକ ଭିଡ଼ିଓ ଭାଇରାଲ ହେବାରେ ଲାଗିଛି, ଯାହାକୁ ନେଇ ସିଙ୍ଗଲମାନେ ବେଶ୍ ଉତ୍ସାହିତ ।