ଗାଡି ଚାଳକଙ୍କୁ ଆଶ୍ୱସ୍ତି; ଜୁନ୍ ୩୦ ଯାଏଁ ବଢିଲା ଗାଡି ଡକ୍ୟୁମେଣ୍ଟ ବୈଧତା

ଭୁବନେଶ୍ୱର: ଦେଶରେ ଲକଡାଉନ ଯୋଗୁଁ ଡକ୍ୟୁମେଣ୍ଟ ନବୀକରଣ ସମ୍ଭବ ହେଉନଥିବାରୁ ଗାଡି ପରମିଟ୍ ଅବଧିକୁ ବଢାଇଛନ୍ତି କେନ୍ଦ୍ର ପରିବହନ ମନ୍ତ୍ରଣାଳୟ ।

ଯାହାଫଳରେ ଫେବୃଆରୀ ୧ରୁ ସରୁଥିବା ଗାଡି ଡକ୍ୟୁମେଣ୍ଟ ଗୁଡିକୁ ଆସନ୍ତା ଜୁନ୍ ୩୦ ତାରିଖ ଯାଏଁ ବୈଧତା ପ୍ରାପ୍ତ ହେବ ।

Central Govt extends validity of fitness, registration, permit, DL etc till 30th June.
Even though not specifically mentioned we will extend validity of LL and PUC certificate till 30th June in Odisha.#StayAtHome pic.twitter.com/YrYsisXaxc

— State Transport Authority, Odisha (@STAOdisha) March 31, 2020

କେନ୍ଦ୍ରର ନିର୍ଦ୍ଦେଶ ପରେ ଏନେଇ ରାଜ୍ୟ ପରିବହନ କର୍ତ୍ତୃପକ୍ଷ ଟ୍ୱିଟ ମଧ୍ୟ କରିଛନ୍ତି ।

ପ୍ରାପ୍ତ ସୂଚନାନୁଯାୟୀ ଦେଶବ୍ୟାପୀ ଲକଡାଉନ ଜାରି ରହିବା ଫଳରେ ଗାଡି ନବୀକରଣ ଲାଗି ଜନସାଧାରଣ ଅସୁବିଧାର ସମ୍ମୁଖୀନ ହେଉଛନ୍ତି । ଯାହାକୁ ଦୃଷ୍ଟିରେ ରଖି ଗାଡି ସମ୍ବନ୍ଧୀୟ ସମସ୍ତ ପରମିଟ୍ ତଥା ଡକ୍ୟୁମେଣ୍ଟର ଅବଧିକୁ ବୃଦ୍ଧି କରାଯାଇଛି ।

ଏନେଇ ସବୁ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳକୁ ପରିବହନ ମନ୍ତ୍ରଣାଳୟ ନିର୍ଦ୍ଦେଶ ମଧ୍ୟ ଦେଇଛି । ଏହି ପରମିଟ୍ ମଧ୍ୟରେ ରହିଛି- ଡ୍ରାଇଭିଂ ଲାଇସେନ୍ସ, ପରମିଟ୍‌, ରେଜିଷ୍ଟ୍ରେସନ, ଫିଟନେସ୍ ,ଲର୍ଣ୍ଣିଂ ଲାଇସେନ୍ସ ଓ ପଲ୍ୟୁସନ ସାର୍ଟିଫିକେଟ ଅବଧି ଆଦି ।