ମୁମ୍ବାଇ: ୨୦୨୪ ଶେଷ ହେବାକୁ ଯାଉଛି ଏବଂ ଡିସେମ୍ବର ମାସରେ ଗୋଟିଏ ପରେ ଗୋଟିଏ ଫିଲ୍ମ ଦର୍ଶକଙ୍କୁ ମନୋରଞ୍ଜନ କରୁଛି । ଅଲୁ ଅର୍ଜୁନଙ୍କ ‘ପୁଷ୍ପା-୨’ ବକ୍ସ ଅଫିସରେ ହଇଚଇ ସୃଷ୍ଟି କରୁଛି । ଏହି ସମୟରେ, ବରୁଣ ଧୱନଙ୍କ ‘ବେବି ଜନ୍’ ମଧ୍ୟ ଡିସେମ୍ବର ୨୫ ରେ ପ୍ରେକ୍ଷାଳୟକୁ ଆସିବାକୁ ପ୍ରସ୍ତୁତ ହୋଇସାରିଛି । ବର୍ତ୍ତମାନ ଏହାର ଟ୍ରେଲର କେବେ ରିଲିଜ୍ ହେବ ସେନେଇ କ୍ରେଜ୍ ର ସହ ଅପେକ୍ଷା କରିରହିଛନ୍ତି ଦର୍ଶକ ।
ତେବେ ବେବି ଜନ୍ ର ଟ୍ରେଲର ଆସନ୍ତାକାଲି ଅର୍ଥାତ୍ ଡିସେମ୍ବର ୯ରେ ମୁକ୍ତିଲାଭ କରିବାକୁ ଯାଉଛି । ନିକଟରେ ଫିଲ୍ମର ନିର୍ଦ୍ଦେଶକ ଅଟଲେ ସୋସିଆଲ ମିଡିଆରେ ଏକ ନୂଆ ପୋଷ୍ଟର ପୋଷ୍ଟ କରି ଟ୍ରେଲରର ତାରିଖ ପ୍ରକାଶ କରିଥିଲେ । ପୋଷ୍ଟରରେ ବରୁଣଙ୍କୁ ଏକ ଭୟଙ୍କର ରୂପରେ ଦେଖିବାକୁ ମିଳିଛି । ପୋଷ୍ଟର ସେୟାର କରିବାବେଳେ କ୍ୟାପସନରେ ଲେଖାଥିଲା, ‘କାଉଣ୍ଟଡାଉନ୍ ଆରମ୍ଭ ହୋଇଛି, ବେବି ଜନ୍ ର ଆକ୍ସନ ଦେଖିବାକୁ ପ୍ରସ୍ତୁତ ହୁଅନ୍ତୁ, ଆସନ୍ତାକାଲି ଟ୍ରେଲର ରିଲିଜ୍ ହେବ, ବେବି ଜନ୍ ୨୫ ଡିସେମ୍ବରରେ ପ୍ରେକ୍ଷାଳୟରେ ମୁକ୍ତିଲାଭ କରିବ ।
ବେବି ଜନ୍ ର ଟିଜରକୁ ଦର୍ଶକମାନେ ଜବରଦସ୍ତ ପ୍ରତିକ୍ରିୟା ଦେଇଥିଲେ । ଟିଜର ଏକ ଛୋଟ ଝିଅ ସହିତ ଆରମ୍ଭ ହୋଇଛି ଯିଏ କି ତାର ପିତା ବରୁଣ ଧୱନ ଅଟନ୍ତି । ଅନ୍ୟପକ୍ଷରେ, ବରୁଣଙ୍କୁ ପୋଲିସ ଅଫିସର ଭାବରେ ଫୁଲ୍ ଆକ୍ସନ ମୋଡରେ ଦେଖିବାକୁ ମିଳୁଛି । ଏଥିରେ ଜ୍ୟାକି ଶ୍ରଫ୍ ଜଣେ ଭିଲେନ୍ ଭାବରେ ଦେଖାଯିବେ ଯାହାଙ୍କର ଚେହେରା ଟିଜରରେ ମଧ୍ୟ ଅତ୍ୟନ୍ତ ଭୟଙ୍କର ଥିଲା । ବେବି ଜନ୍ ରେ କିର୍ତ୍ତୀ ସୁରେଶ ଏବଂ ବାମିକା ଗାବିଙ୍କର ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକା ରହିଛି, ଟିଜରରେ ସେମାନଙ୍କର ଝଲକ ମଧ୍ୟ ଦେଖିବାକୁ ମିଳିଥିଲା । କିର୍ତ୍ତୀ ବେବି ଜନ୍ ସହ ବଲିଉଡରେ ଡେବ୍ୟୁ କରିବାକୁ ଯାଉଛନ୍ତି ।
Comments are closed.