ଢେଙ୍କାନାଳ:କରୋନା କଟକଟକଣା ବଢିଚାଲିଛି । ତା ଭିତରେ ଜନଜୀବନ ପ୍ରଭାବିତ ହେବାରେ ଲାଗିଛି । ଖାସ୍ କରି ଦୈନଦିନ ଚଳଣୀ ମଧ୍ୟ ପ୍ରଭାବିତ ହୋଇଛି । କରୋନା ଯୋଗୁ ଲୋକଙ୍କୁ ବିଭିନ୍ନ ଭାବରେ ସଚେତନତ କରାଯାଉଛି, ଘରୁ ବାହାରକୁ ନ ବାହାରିବାକୁ ଦିଆଯାଉଛି ପରାମର୍ଶ । ଆଉ ତାରି ଭିତରେ ବେଶୀ ପ୍ରଭାବିତ ହେଉଛନ୍ତି ବ୍ୟବସାୟୀ ମାନେ ।
କରୋନା ଯୋଗୁ ଢେଙ୍କାନାଳ ସହରରେ ବି କଟକଣା । ଲକ୍ଡାଉନ୍ ସଟଡାଉନ୍ ସହ ଲୋକଙ୍କୁ ବିିଭିନ୍ନ ଭାବେ ସଚେତନ କରାଯାଉଛି । ଆବଶ୍ୟକ ନହେଲେ ଘରୁ ନବାହାରିକାବୁ ଲୋକଙ୍କୁ କୁହାଯାଉଛି । ଏନେଇ ରାସ୍ତାଘାଟରେ ବେଶୀ ଗହଳି ନଥଇବା ବେଳେ ପରିବା ମାର୍କେଟ ବି ଖାଁ ଖାଁ ହୋଇ ପଡିଛି । ପ୍ରତିଦିନ ଲୋକେ ମାର୍କେଟରେ ଭିଡ ଲଗାଉଥିବା ବେଳେ ଏବେ କିନ୍ତୁ ମାର୍କେଟ ଖାଲି । ଖାଲି ସେତିକି ନୁହେଁ ଗ୍ରାହକ ନଥିବାରୁ ପରିବା ବ୍ୟବସାୟୀ ମାନେ ମୁଣ୍ଡରେ ହାତଦେଇ ବସିଛନ୍ତି ।
ଟଙ୍କାଟିଏ ବି ପରିବା ବ୍ୟବସାୟରୁ ଲାଭ ପାଇପାରୁନାହାନ୍ତି ବ୍ୟବସାୟୀ ମାନେ । ତା ସହିତ ଟମାଟୋରୁ ନେଇ ବାଇଗଣ ଆଦି ବିଭିନ୍ନ ପ୍ରକାରର ପରିବା ସବୁ ପଡି ରହିବା ସହିତ ଦର ମଧ୍ୟ କମ୍ ହୋଇଗଲାଣି । ହେଲେ ଗ୍ରାହକ ଶୂନ୍ୟ ହୋଇ ପଡିଛି ପରିବା ମାର୍କେଟ । ଲାଭ ତ ଦୂର କଥା ବାହାରୁ ପରିବା ଆଣି ବ୍ୟବସାୟ କରୁଥିବା ପରିବା ବ୍ୟବସାୟୀ ବି ହତାଶ ହୋଇପଡିଛନ୍ତି । ଗ୍ରାହକ ନଥିବାରୁ ବେଶ୍ କ୍ଷତି ସହୁଛନ୍ତି ବ୍ୟବସାୟୀ ମାନେ ।
Comments are closed.