ଭୁବନେଶ୍ୱର: ଭିଜିଲାନ୍ସ ଜାଲରେ ଆଉ ଜଣେ ବାବୁ । ନୂଆପଡ଼ା ଜିଲ୍ଲା ଖଡିଆଳ ବିଡିଓ ନାରାୟଣ ସାହୁଙ୍କ ଘରେ ଆଜି ଭିଜିଲାନ୍ସ ଟିମ୍ ପକ୍ଷରୁ ଚଢ଼ାଉ । ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢ଼ାଉ କରାଯାଉଥିବା ବେଳେ ଭିଜିଲାନ୍ସର ଅନେକ ଅଧିକାରୀ ଏଥିରେ ସାମିଲ ହୋଇଛନ୍ତି । ନୂଆପଡ଼ା ଓ ବଲାଙ୍ଗୀର ସମେତ ଏକକାଳୀନ ୫ଟି ସ୍ଥାନରେ ରେଡ୍ କରାଯାଉଛି ।ଏସବୁ ମଧ୍ୟରେ ବିଡିଓଙ୍କ ପୈତୃକ ଘର, ବାସଭବନ ରହିଛି ।
ଚଢ଼ାଉ ବେଳେ ନଗଦ ୧୪ ହଜାରରୁ ଅଧିକ ଟଙ୍କା, ବ୍ୟାଙ୍କ କାଗଜପତ୍ର, ଇନସ୍ୟୁରାନ୍ସ ଜବତ କରାଯାଇଛି।ଏଥିସହ ନଗତ ଟଙ୍କା ୩ ଲକ୍ଷ ୮୪ ହଜାର ସମେତ ବଲାଙ୍ଗୀର ଟାଉନ ନିକଟରେ ଗୋଟିଏ ପ୍ଲଟ୍ ସହ ୪୦୦ ଗ୍ରାମ୍ ସୁନା ଜବତ ହୋଇଛି । ବଲାଙ୍ଗୀରର କୁସୁମେଲ ଅଞ୍ଚଳରେ ଥିବା ବିଭିନ୍ନ ପ୍ଲଟ୍ ଯାଞ୍ଚ କରିଛି ଭିଜିଲାନ୍ସ ଟିମ୍ ।
ନାରାୟଣ ଆୟ ବର୍ହିଭୂତ ସମ୍ପତି ଠୁଳ କରିଥିବା ଅଭିଯୋଗ ହୋଇଥିଲା। ଭିଜିଲାନ୍ସ ବିଭାଗ ତଦନ୍ତ କରି ଆଜି ସକାଳେ ନାରାୟଣଙ୍କ ଘରେ ଚଢ଼ାଉ କରିଥିଲା। ଏନେଇ ଭିଜିଲାନ୍ସ ଟିମ୍ର ଚଢ଼ାଉ ଜାରି ରଖିଛି ।
Comments are closed.