ନୂଆଦିଲ୍ଲୀ: ଜାତୀୟ ମହିଳା କମିଶନର ନୂଆ ଅଧ୍ୟକ୍ଷ ବନିଲେ ବିଜୟା କିଶୋର ରାହତକର। ସେ ଏହା ପୂର୍ବରୁ ୨୦୧୬ରୁ ୨୦୨୧ ପର୍ଯ୍ୟନ୍ତ ମହାରାଷ୍ଟ୍ର ରାଜ୍ୟ ମହିଳା ଆୟୋଗର ଅଧ୍ୟକ୍ଷ ଥିଲେ।
ସୂଚନା ଅନୁଯାୟୀ, ସାମାଜିକ କାର୍ଯ୍ୟରେ ତାଙ୍କର ଭୂମିକାକୁ ବିଚାର କରି ତାଙ୍କୁ ଏହି ଦାୟିତ୍ବ ଦିଆଯାଇଛି। ଏଥି ସହିତ ଅର୍ଚ୍ଚନା ମଜୁମଦାରଙ୍କୁ ଜାତୀୟ ମହିଳା ଆୟୋଗର ସଦସ୍ୟ ଭାବରେ ନିଯୁକ୍ତ କରାଯାଇଛି। ଜାତୀୟ ମହିଳା ଆୟୋଗର ଉଦ୍ଦେଶ୍ୟ ହେଉଛି ମହିଳାଙ୍କ ଅଧିକାରର ସୁରକ୍ଷା, ସେମାନଙ୍କ ପ୍ରତି ଭେଦଭାବ ଏବଂ ହିଂସା ଦୂର କରିବା ଏବଂ ସେମାନଙ୍କୁ ସବୁ କ୍ଷେତ୍ରରେ ସମାନ ସୁଯୋଗ ପ୍ରଦାନ କରିବା।
ମହାରାଷ୍ଟ୍ର ବିଧାନସଭା ନିର୍ବାଚନ ଏବଂ ରାଜସ୍ଥାନର ସାତୋଟି ଆସନରେ ଉପ-ନିର୍ବାଚନ ପୂର୍ବରୁ ତାଙ୍କୁ ଏହି ବଡ ଦାୟିତ୍ୱ ଦିଆଯାଇଛି। ବିଜୟା ମହାରାଷ୍ଟ୍ରର ସମ୍ୱାଜିନଗରରୁ ଆସିଛନ୍ତି ଏବଂ ଆସନ୍ତା ମାସରେ ରାଜ୍ୟରେ ବିଧାନସଭା ନିର୍ବାଚନ ହେବ। ଏହାପୂର୍ବରୁ ସେ ରାଜସ୍ଥାନରେ ବିଜେପିର ସହ-ଦାୟିତ୍ୱ ତୁଲାଇଥିଲେ।