ମୁମ୍ବାଇ: ଅଭିନେତା ବିକ୍ରାନ୍ତ ମାସେ । ୱେବ୍ ସିରିଜ୍ ମିର୍ଜାପୁର ପୂର୍ବରୁ ଏହି ଅଭିନେତା ବୋଧ ହୁଏ ଏକ ଅଜଣା ଚେହେରା ଥିଲେ । ହେଲେ ବବ୍ଲୁ ପଣ୍ଡିତ ଭଳି ଚରିତ୍ର ପାଇଁ ସେ ରାତାରାତି ଚର୍ଚ୍ଚାକୁ ଆସିପାରିଥିଲେ । ସେବେଠୁ ତାଙ୍କ ହାତକୁ ଆସିବାରେ ଲାଗିଛି ଗୋଟିଏ ପରେ ଗୋଟିଏ ଅଫର୍ । ଆଗାମୀ ଦିନରେ ଏହି ଅଭିନେତାଙ୍କୁ ଏକ ମଲୟାଲମ ମୁଭିର ହିନ୍ଦୀ ରିମେକ୍ ଭର୍ସନ୍ରେ ଦେଖିବାକୁ ମିଳିବ ।
ଖୁବଶୀଘ୍ର ମଲୟାଲମ ମୁଭି ଫରେନସିକ୍ର ହିନ୍ଦୀ ଭର୍ସନ ନିର୍ମାଣ ହେବାକୁ ଯାଉଛି । ଫିଲ୍ମର ଅରିଜିନାଲ ଭର୍ସନରେ ଥିବା ଟୋଭିନୋ ଥୋମାସଙ୍କ କିର୍ଦାରରେ ବିକ୍ରାନ୍ତଙ୍କୁ ଜଣେ ଫରେନସିକ ଅଫିସର ଭୂମିକାରେ ଦେଖିବାକୁ ମିଳିବ । ମଲୟାଲମ ମୁଭିଟି ଉଭୟ କମର୍ସିଆଲି ଓ କ୍ରିଟିକ୍ସଙ୍କ ମତରେ ହିଟ୍ ହୋଇଥିଲାବେଳେ ମିନି ଫିଲ୍ମସ ବ୍ୟାନର ତଳେ ଏହାର ହିନ୍ଦୀ ଭର୍ସନ ନିର୍ମାଣ ହେବ ।
ଏକ ସାଇକୋ କିଲର୍କୁ ନେଇ ଫିଲ୍ମର କାହାଣୀ ଆଗକୁ ବଢିଥିଲାବେଳେ ବିକ୍ରାନ୍ତ ଫରେନ୍ସିକ୍ ଅଫିସର୍ ଭାବେ ହତ୍ୟା ମାମଲାର ଅଡୁଆ ଖିଅକୁ ସଜାଡିବାରେ ନଜର ଆସିବେ । ଏହି ଫିଲ୍ମକୁ ନେଇ ବିକ୍ରାନ୍ତ ବେଶ ଉତ୍ସାହିତ ଥିଲାବେଳେ ଆଶା କରାଯାଉଛିି ଦର୍ଶକଙ୍କ ନିକଟରେ ସେ ନିଜ ପୁଣିଥରେ ନିଜ ପରିପକ୍ୱ ଅଭିନୟର ଛାପ ଛାଡିବାରେ ସଫଳ ହେବେ ।
Comments are closed.