ଝାରସୁଗୁଡ଼ା ବିସିପାଲିରେ ବିରଳ ଶାଗୁଣା ଉଦ୍ଧାର

ଝାରସୁଗୁଡ଼ା :  ଝାରସୁଗୁଡ଼ା ବିସିପାଲି ଗାଁରେ ଠାବ ହୋଇଛି ଏକ ବିରଳ ପ୍ରଜାତିର ଶାଗୁଣା । ଯାହା ଗରୁଡ଼ ପରି ଦେଖାଯାଉଛି । ଯାହାକୁ ହିମାଳୟ ଗରୁଡ଼ ଶାଗୁଣା ବୋଲି ସ୍ଥାନୀୟ ଲୋକେ କହିଛନ୍ତି । ଶାଗୁଣାଟିକୁ ପ୍ରଥମେ କିଛି ଯୁବକ ଠାବ କରିଥିଲେ । ଶାଗୁଣାଟି ଚାଲିବାକୁ ଓ ଉଡ଼ିବାକୁ ସକ୍ଷମ ନଥିଲା । ଜଙ୍ଗଲ ଅଧିକାରୀଙ୍କୁ ଖବର ଦେବା ପରେ ତାକୁ ଉଦ୍ଧାର କରି ଚିକିତ୍ସା କରାଯାଉଛି । ଝାରସୁଗୁଡ଼ା ଡିଭିଜନାଲ ଫରେଷ୍ଟ ଅଫିସର ଲଳିତ କୁମାର ପାତ୍ର କହିଛନ୍ତିଯେ ଶାଗୁଣାଟି ଅତି ବିରଳ । ଏମାନେ ସାଧାରଣତଃ ହିମାଳୟ କିମ୍ୱା ତିବ୍ଦତୀୟ ଅଞ୍ଚଳରେ ଦେଖାଯାଆନ୍ତି । ପକ୍ଷୀ ବିଶେଷଜ୍ଞ ଶାଗୁଣାର ପରୀକ୍ଷଣ କରିବା ସହିତ କିଛି ଔଷଧ ଦେଇଛନ୍ତି । ତାହାକୁ ଅବଜରଭେସନରେ ରଖାଯାଇଛି । ତେବେ ତାର ସୁସ୍ଥତା ନେଇ ଆଶାପୋଷଣ କରିଛନ୍ତି ବିଶେଷଜ୍ଞ ଓ ଜଙ୍ଗଲ ବିଭାଗ ଅଧିକାରୀ ।