ଘରୁ ଟାଣି ଆଣି କଚାଡ଼ି ମାରିଲା ହାତୀ

ଖୋର୍ଦ୍ଧା: ନୟାଗଡ଼ ଜିଲା ଟାଙ୍ଗୀ ବନାଞ୍ଚଳ ରେଞ୍ଜରେ ଜଣେ ଯୁବକଙ୍କୁ ଘରୁ ଟାଣି ନେଇ କଚାଡ଼ି ମାରିଲା ହାତୀ । ମୃତ ଯୁବକଜଣକ ହେଲେ ଟାଙ୍ଗୀ ବନାଞ୍ଚଳ ରେଞ୍ଜ ଅଧୀନ ରଣ୍ଡା ଗ୍ରାମର ଦିଲ୍ଲୀପ ଜେନା । ଟାଙ୍ଗୀ ବନାଞ୍ଚଳ ରେଞ୍ଜରେ ହାତୀ ଉତ୍ପାତ କରୁଥିବାରୁ ଲୋକେ ଘରେ ତାଟି କବାଟ ପକାଇ ରହିଛନ୍ତି । ଆଜି ଭୋରରୁ ଏକ ହାତୀ ଦିଲୀପଙ୍କ ଚାଳ ଘର ଭାଙ୍ଗି ଦେଇଥିଲା । ଏହା ଦେଖି ଦିଲୀପ ହଠାତ୍ ଘରୁ ବାହାରି ଆସିବାରୁ ହାତୀ ହାବୁଡ଼ରେ ପଡ଼ି ଯାଇଥିଲେ । ହାତୀଟି ତାଙ୍କୁ ଶୁଣ୍ଢରେ ଘରୁ ଟାଣି ଆଣି କଚାଡ଼ି ମାରିଦେଇଥିଲା । ସ୍ଥାନୀୟ ଲୋକେ ମୃତଦେହ ଦେଖି ଟାଙ୍ଗୀ ବନାଞ୍ଚଳ ଅଧିକାରୀଙ୍କୁ ଖବର ଦେଇଥିଲେ । ସଙ୍ଗେ ସଙ୍ଗେ ବନ ବିଭାଗର କର୍ମଚାରୀ ଘଟଣାସ୍ଥଳରେ ପହଞ୍ôଚ ମୃତଦେହ ଜବତ କରିବା ସହ ହାତୀର ଗତିବିଧି ଉପରେ ନଜର ରଖିଥିଲେ ।