ଭୁବନେଶ୍ୱର: ମଣିଷଙ୍କୁ ନକଲ କରିବାରେ ମାଙ୍କଡ ଭଳି ପଶୁ ବେଶ ମାହିର । ଏ ନେଇ ସୋସିଆଲ ମିଡିଆରେ ଅନେକ କୌତୁକିଆ ଭିଡିଓ ମଧ୍ୟ ରହିଛି । ହେଲେ ନିକଟରେ ଗୋଟିଏ ମାଙ୍କଡ ସେଲୁନରେ ପହଂଚିଥିଲା । ଆଉ ତା ପରେ ଯାହା ଘଟିଥିଲା, ସେହି ଘଟଣାର ଭିଡିଓ ସୋସିଆଲ ମିଡିଆରେ ବହୁଳ ମାତ୍ରାରେ ଭାଇରାଲ୍ ହୋଇଛି ।
ଦାଢି କାଟିବାକୁ ସେଲୁନରେ ପହଂଚିଲା ମାଙ୍କଡ, ଆଉ ତା ପରେ…#ViralAlert #ViralVideo #MonkeyInSaloon #OdishaSambad #OdishaSambadNews pic.twitter.com/fy8rmvYCrB
— Odisha Sambad (@Odisha_Sambad) December 3, 2021
ମାତ୍ର ୪୫ ସେକେଣ୍ଡର ଏହି ଭିଡିଓରେ ମାଙ୍କଡଟି ସେଲୁନରେ ଏକ ମିରର୍ ସାମ୍ନାରେ ବସିଛି । ଏପରିକି ବେକରେ କପଡା ମଧ୍ୟ ଘୋଡାଯାଇଛି । ଅନ୍ୟପଟେ ସେଲୁନର କର୍ମଚାରୀ ଜଣକ ବେଶ ଆରାମରେ ମାଙ୍କଡର ଦାଢି ଟ୍ରିମର୍ ଜରିଆରେ କାଟିବାରେ ଦେଖାଯାଇପାରେ । ଭିଡିଓଟି କେତେ ପୁରୁଣା ଓ କେଉଁଠୁ ଆସିଛି ତାହା ଜଣାପଡିନି । ହେଲେ ଭିଡିଓରେ ଥିବା ମାଙ୍କଡଟିକୁ ଯେ କେହି ଜଣେ ପାଳିଛନ୍ତି, ଏଥିରେ କୌଣସି ସନ୍ଦେହ ନାହିଁ ।