ଉତ୍ତରପ୍ରଦେଶ: କୁମ୍କୁମ୍ ଭାଗ୍ୟ ଟିଭି ସିରିଜ୍ ଅଭିନେତ୍ରୀଙ୍କ ଭାଇରାଲ୍ ଭିଡିଓ । ନିଜ ବାପାଙ୍କ ବିରୋଧରେ ସଙ୍ଗୀନ ଅଭିଯୋଗ ଆଣିଲେ ଅଭିନେତ୍ରୀ ତୃପ୍ତି ଶଙ୍ଖଧର । ମୋ ବାପା ମୋତେ ହତ୍ୟା କରିବାକୁ ଚାହୁଁଛନ୍ତି । କିଛି ଏପରି କହି ଚହଳ ସୃଷ୍ଟି କରିଛନ୍ତି ତୃପ୍ତି । ହେଲେ କାହିଁକି ?
ସୋସିଆଲ୍ ମିଡିଆରେ ଭାଇରାଲ୍ ହୋଇଥିବା ଏହି ଭିଡିଓରେ ତୃପ୍ତି ଓ ତାଙ୍କ ପରିବାର ଭୟଭୀତ ଥିବା ସ୍ପଷ୍ଟ ଜଣାପଡିଛି । ତୃପ୍ତିଙ୍କ ବାପା ତାଙ୍କୁ ହତ୍ୟା କରିବାକୁ ଚାହୁଁଛନ୍ତି । ଏ କଥା ଖୋଦ ତୃପ୍ତିଙ୍କ ସମେତ ତାଙ୍କ ମାଆ ଓ ଭାଇ ବି ସ୍ୱୀକାର କରିଛନ୍ତି । ଉତ୍ତରପ୍ରଦେଶ ବରେଲିରେ ରହୁଥିବା ତୃପ୍ତିଙ୍କ ଅନୁଯାୟୀ ତାଙ୍କ ପିତା ଇଛା ବିରୋଧରେ ଜଣେ ୨୮ବର୍ଷୀୟ ଯୁବକଙ୍କ ସହ ବିବାହ କରାଇବାକୁ ଚାହୁଁଛନ୍ତି । ଏପରିକି ପ୍ରତିଦିନ ମାରପିଟ୍ କରିବା ସହ ତାଙ୍କ ହାତ କାଟି ହତ୍ୟା କରିବାକୁ ବି ଚେଷ୍ଟା କରିଥିଲେ । କିଛି ଏପରି କହି ଇନଷ୍ଟାଗ୍ରାମ ଭିଡିଓକୁ ସେ ବହୁଳମାତ୍ରାରେ ଶେୟାର କରିଥିଲେ ।
Bareilly: Father of a 19-year-old actor Tripti Shankhdhar in police custody, after she alleged that he tried to kill her & is forcibly getting her married.
SP City says, “Her father is in custody. Tripti also present at the station. Appropriate action will be taken.”(25.08.20) pic.twitter.com/jmpTzokbGp
— ANI UP (@ANINewsUP) August 26, 2020
ସୋସିଆଲ ମିଡିଆରେ ଭିଡିଓଟି ଭାଇରାଲ୍ ହେବା ପରେ ଉତ୍ତରପ୍ରଦେଶ ପୋଲିସ ତାଙ୍କ ବାପାଙ୍କୁ ଥାନାରେ ଅଟକ ରଖିଛି । ଏପରିକି ତୃପ୍ତି ବି ଥାନାରେ ପହଂଚିଛନ୍ତି । ସିଟି ଏସ୍ପିଙ୍କ ଅନୁଯାୟୀ ଅଭିଯୋଗ ସତ ପ୍ରମାଣିତ ହେଲେ ତୃପ୍ତିଙ୍କ ବାପାଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।