ମୁମ୍ବାଇ: ଖ୍ୟାତନାମା ଫିଲ୍ମ ମେକର୍ସ ବିବେକ ଅଗ୍ନିହୋତ୍ରୀ ଗୁରୁବାର ଫିଲ୍ମ ଫେୟାର ପୁରସ୍କାର ନେବାକୁ ମନା କରି ଦେଇଛନ୍ତି । କଶ୍ମୀର ପଣ୍ଡିତଙ୍କ ଉପରେ ହୋଇଥିବା ଅତ୍ୟାଚାରକୁ ଦର୍ଶାଇଥିବା ଦି କଶ୍ମୀର ଫାଇଲ୍ସ ବକ୍ସ ଅଫିସରେ ଭଲ ବ୍ୟବସାୟ କରିଥିଲା । ୬୮ତମ ଫିଲ୍ମଫେୟାର ପୁରସ୍କାରରେ ଏହି ଫିଲ୍ମକୁ ୭ଟି କାଟାଗୋରୀରେ ମନୋନୀତ କରାଯାଇଛି । ବିବେକ ସୋସିଆଲ ମିଡିଆରେ ଏ ନେଇ ଟୁଇଟ କରିଥିଲେ ଯେ, ମୁଁ ୨୭ ଏପ୍ରିଲରେ ହେବାକୁ ଥିବା ପୁରସ୍କାର ସମାରୋହରେ ଅଂଶଗ୍ରହଣ କରିବି ନାହିଁ ।
ମୁଁ ବିନ୍ରମତା ସହକାରେ କହୁଛି ଏହି ଅନୈତିକ ଓ ସିନେମା ବିରୋଧୀ ପୁରସ୍କାର ନେବାକୁ ଚାହୁଁ ନାହିଁ । ଫିଲ୍ମଫେୟାର ପୁରସ୍କାର କେବଳ ଷ୍ଟାର ମାନଙ୍କ ପାଇଁ ଉଦ୍ଦିଷ୍ଟ । ସେମାନେ ବୋଧହୁଏ ବୁଝି ନେଇଛନ୍ତି ଯେ, ଫିଲ୍ମରେ କେବଳ ଷ୍ଟାରମାନେ ସବୁ କିଛି କରୁଛନ୍ତି । ଅନ୍ୟମାନେ କିଛି କରୁ ନାହାନ୍ତି । ସଞ୍ଜୟ ଲୀଲା ଭନ୍ସାଲୀ ଓ ସୁରଜ ବଡଜାତ୍ୟାଙ୍କ ପରି ନିର୍ଦ୍ଦେଶକଙ୍କ ମାନେ କିଛି ନାହିଁ । ଫିଲ୍ମଫେୟାର ପାଇଁ ସଞ୍ଜୟଙ୍କ ଚେହେରା ଆଲିୟା ଭଟ୍ଟ, ବଡଜାତ୍ୟାଙ୍କ ଚେହେରା ଅମିତାଭ ବଚ୍ଚନ ଓ ଅନୀବ ବଜମୀଙ୍କ ପରିଚୟ କାର୍ତିକ ଆର୍ଯ୍ୟନ ।
ଏହି ଅପମାନଜନକ ପ୍ରକ୍ରିୟା ବନ୍ଦ କରାଯିବା ଉଚିତ । ବିବେକଙ୍କ ଟୁଇଟ ମିଶ୍ରିତ ପ୍ରତିକ୍ରିୟା ଦେଇଛି । ଆଲିୟାଙ୍କ ପୁନର୍ବାର ମନୋନୀତ କରାଯିବା ନେଇ ଅନେକ ପ୍ରଶ୍ନ ଉଠାଇଛନ୍ତି । ଏହି ପାରିବାରିକ ପୁରସ୍କାର ସମାରୋହକୁ ନ ଯିବା ବିବେକଙ୍କ ଠିକ ନିଷ୍ପତି ବୋଲି ଅନେକ କହିଛନ୍ତି ।
Comments are closed.