ମସ୍କୋ: ନିଜର ଅଫିସ ବ୍ରେକ୍ ସମୟରେ ଯୌନ ସମ୍ପର୍କ ସ୍ଥାପନ କରିବାକୁ ଜନତାଙ୍କୁ ଅପିଲ୍ କଲେ ଋଷ ରାଷ୍ଟ୍ରପତି ଭ୍ଲାଦିମିର ପୁଟିନ। ଦେଶର ଜନ୍ମ ହାର ବର୍ତ୍ତମାନ ପ୍ରତି ମହିଳାରେ ୧.୫ ଶିଶୁ ରହିଛି।ଜନସଂଖ୍ୟା ସ୍ଥିରତା ପାଇଁ ୨.୧ଠାରୁ ଏହା ବହୁତ କମ୍ ଅଟେ।
ଜନ୍ମ ହାରରେ ପରିବର୍ତ୍ତନ ପାଇଁ ପୁଟିନ କର୍ମକ୍ଷେତ୍ରରେ ଥିବା ଲୋକଙ୍କୁ କଫି ଏବଂ ମଧ୍ୟାହ୍ନ ଭୋଜନ ବିରତି ସମୟରେ ଶାରୀରିକ ସମ୍ପର୍କ ରଖିବାକୁ କହିଛନ୍ତି।
ରିପୋର୍ଟ ଅନୁଯାୟୀ, ୟୁକ୍ରେନ ସହିତ ରୁଷର ଯୁଦ୍ଧ ଯୋଗୁଁ ଦେଶର ଜନସଂଖ୍ୟା ମଧ୍ୟ ହ୍ରାସ ପାଇଛି। ଏହି କାରଣରୁ, ଏକ ମିଲିୟନରୁ ଅଧିକ ଋଷ ନାଗରିକ ତଥା ଅଧିକାଂଶ ଯୁବକ ଦେଶ ଛାଡି ପଳାୟନ କରିଛନ୍ତି।
ଋଷର ସ୍ୱାସ୍ଥ୍ୟମନ୍ତ୍ରୀ ୟେଭେନି ଶେଷ୍ଟୋପାଲୋଭ କହିଛନ୍ତି ଯେ କର୍ମ କ୍ଷେତ୍ର ପ୍ରଜନନରେ ବାଧା ସୃଷ୍ଟି କରିବ ନାହିଁ। ପରିବାର ପ୍ରତିପୋଷଣ ପାଇଁ ମଧ୍ୟାହ୍ନ ଭୋଜନ ଏବଂ କଫି ବ୍ରେକର ସୁଯୋଗ ନେବାକୁ ସେ ଋଷ ନାଗରିକମାନଙ୍କୁ ଅନୁରୋଧ କରିଛନ୍ତି।
ଅପରପକ୍ଷରେ ଋଷର ଚେଲାବିନ୍ସଙ୍କ ଅଞ୍ଚଳରେ ଜନ୍ମ ହାର ବୃଦ୍ଧି ପାଇଁ ଆର୍ଥିକ ସହାୟତା ପ୍ରଦାନ କରିବା ଆରମ୍ଭ ହୋଇଛି। ଏଠାରେ ୨୪ ବର୍ଷରୁ କମ୍ ମହିଳାମାନଙ୍କୁ ସେମାନଙ୍କର ପ୍ରଥମ ସନ୍ତାନର ଜନ୍ମ ସମୟରେ ୧.୦୨ ଲକ୍ଷ ରୁବଲ୍ ପ୍ରଦାନ କରାଯାଉଥିବା ଜଣାପଡିଛି।