ନୂଆଦିଲ୍ଲୀ: ଚାଉଳ ଏବଂ ଡାଲି ଏପରି ଜିନିଷ ଯାହା ପ୍ରତ୍ୟେକ ଘରେ ପ୍ରତିଦିନ ବ୍ୟବହୃତ ହୁଏ । ଏଭଳି ପରିସ୍ଥିତିରେ ଲୋକମାନେ ଏହାକୁ ମାସରେ ଥରେ କିଣି ଘରେ ରଖନ୍ତି । ଅନେକ ଲୋକ ତିନି ରୁ ଚାରି ମାସ ପାଇଁ ଚାଉଳ ଏବଂ ଡାଲି କିଣି ଘରେ ଷ୍ଟୋର କରିରଖନ୍ତି । ଏପରି ପରିସ୍ଥିତିରେ, ଏହି ଡାଲିକୁ ପୋକ ଦାଉରୁ ରକ୍ଷା କରିବା କଷ୍ଟକର ହୋଇଯାଏ । ତେଣୁ, ଯଦି ଏହା ସଠିକ୍ ଭାବରେ ଗଚ୍ଛିତ ନହୁଏ, ତେବେ ଏହା ନଷ୍ଟ ହୋଇ ପୋକ କିମ୍ବା କୀଟପତଙ୍ଗ କବଳରେ ଆସିଯାଇପାରେ ।
ଏପରି କିଛି ସରଳ ଉପାୟ ଅଛି ଯାହା ସାହାଯ୍ୟରେ ଏହି ଶସ୍ୟଗୁଡିକୁ ପୋକମାନଙ୍କ ଦାଉରୁ ରକ୍ଷା କରିହେବ । ଆସନ୍ତୁ ଜାଣିବା ସେହି ଉପାୟ ଗୁଡ଼ିକ ବିଷୟରେ…
ନିମ ପତ୍ର: ମୁଠାଏ ନିମ ପତ୍ର ନେଇ ଖରାରେ ଶୁଖାନ୍ତୁ । ଯେତେବେଳେ ଏହା ଭଲଭାବେ ଶୁଖିଯିବ, ଏହାକୁ ଡାଲି କିମ୍ବା ଚାଉଳ ଷ୍ଟୋର କରି ରଖାଯାଇଥିବା ପାତ୍ରରେ ରଖନ୍ତୁ । ଏହା କରିବା ଦ୍ୱାରା ଏଥିରେ ପୋକ ଲାଗିବ ନାହିଁ । ଏହା ବ୍ୟତୀତ, ଆପଣ ଏଥିରେ ନିମ ପାଉଡର ମଧ୍ୟ ପକାଇପାରିବେ । ନିମ ପତ୍ରର ପ୍ରବଳ ଗନ୍ଧ ହେତୁ କୀଟପତଙ୍ଗ ଏଥିରେ ଲାଗିବେ ନାହିଁ ।
ଭୃସଙ୍ଗ ପତ୍ର: ଯଦି ଆପଣ ରୋଷେଇ ଘରେ ବହୁ ପରିମାଣର ଡାଲି ସଂରକ୍ଷଣ କରିଛନ୍ତି, ତେବେ ପ୍ରଥମେ ପାତ୍ରର ତଳେ ଶୁଖିଲା ଭୃସଙ୍ଗ ପତ୍ର ରଖନ୍ତୁ ଏବଂ ତା’ପରେ ଡାଲି ରଖନ୍ତୁ । ଏହା କରିବା ଦ୍ୱାରା ଡାଲି ଦୀର୍ଘ ସମୟ ପର୍ଯ୍ୟନ୍ତ ସତେଜ ରହିବ । ଅନେକ ବର୍ଷ ପରେ ମଧ୍ୟ ଡାଲିରେ ପୋକ ଲାଗିବ ନାହିଁ ।
ଭଜା ଡାଲି: କାଚ ପାତ୍ରରେ ରଖିବା ପୂର୍ବରୁ ତେଲ ମିଶାଇ ଡାଲିକୁ ଶୁଖାଇ ରଖନ୍ତୁ ଏହା ଦ୍ବାରା ଡାଲିରେ କେବେହେଲେ ପୋକ ଲାଗିବେ ନାହିଁ । ଆହୁରି ମଧ୍ୟ, ଡାଲି ନଷ୍ଟ ନହେବା ପାଇଁ, ଆପଣ ଏଥିରେ କିଛି ଶୁଖିଲା ଲଙ୍କା ମଧ୍ୟ ମିଶାଇ ପାରିବେ ।
ରସୁଣ: ରସୁଣ ସାହାଯ୍ୟରେ ଆପଣ ଡାଲିକୁ ପୋକମାନଙ୍କୁ ଠାରୁ ଦୂରରେ ରଖିପାରିବେ । ଏଥିପାଇଁ ଶୁଖିଲା ରସୁଣ ଡାଲି ରଖିଥିବା ଡବାରେ ରଖନ୍ତୁ । ରସୁଣ ଚୋପା ସହିତ ହିଁ ରଖିବେ । ଚାଉଳରେ ମଧ୍ୟ ଏହାକୁ ପକାଇବା ଦ୍ବାରା ଦୁଇ ବର୍ଷ ପର୍ଯ୍ୟନ୍ତ କୌଣସି ପୋକ ଲାଗିବେ ନାହିଁ । ତଥାପି, ପ୍ରତି ଦୁଇ ରୁ ତିନି ମାସରେ ରସୁଣକୁ ପରିବର୍ତ୍ତନ କରି ନୂଆ ରସୁଣ ରଖନ୍ତୁ ।
ଲାଲ୍ ଲଙ୍କା: ଶସ୍ୟକୁ କୀଟପତଙ୍ଗରୁ ରକ୍ଷା କରିବା ପାଇଁ, ଆପଣ ପୁରା ଲାଲ୍ ଲଙ୍କା ବ୍ୟବହାର କରିପାରିବେ । ମନେରଖନ୍ତୁ ଯେ ଏଗୁଡିକ ରାଗ ଲଙ୍କା ହେବା ଉଚିତ, ଯାହା ଦ୍ବାରା ସେଗୁଡିକର ଗନ୍ଧରେ ପୋକ ଲାଗିନଥାନ୍ତି ।
ତେଜ ପତ୍ର: ତେଜ ପତ୍ର କେବଳ ଖାଦ୍ୟର ସ୍ୱାଦକୁ ବଢାଏ ନାହିଁ, ଏହା ଶସ୍ୟରେ କୀଟପତଙ୍ଗଙ୍କ ସମସ୍ୟାକୁ ମଧ୍ୟ ଦୂର କରିଥାଏ । ଆପଣ କେବଳ ଦୁଇ-ତିନୋଟି ତେଜ ପତ୍ର କୁ ଏକ ଏୟାରଟାଇଟ୍ ପାତ୍ରରେ ରଖି ସେଥିରେ ଚାଉଳ ରଖନ୍ତୁ । ଆପଣଙ୍କ ଚାଉଳ ମାସ ମାସ ଧରି ସଫା ରହିବ ।