ଯୁଦ୍ଧର ପରିଣାମ ଆମେ ଦେଖିପାରୁଛୁ: ଜୟଶଙ୍କର

ମସ୍କୋ:  ନିଜର ସ୍ପଷ୍ଟ ମତ ପାଇଁ ସାରା ବିଶ୍ବରେ ସ୍ବତନ୍ତ୍ର ପରିଚୟ ସୃଷ୍ଟି କରିଥିବା ବୈଦେଶିକ ମନ୍ତ୍ରୀ ଏସ ଜୟଶଙ୍କର ଏବେ ଋଷିଆ ଗସ୍ତରେ ଅଛନ୍ତି । ଋଷ ବୈଦେଶିକ ମନ୍ତ୍ରୀଙ୍କ ସହ ଆଲୋଚନା ବେଳେ ଏସ ଜୟଶଙ୍କର କହିଛନ୍ତି ଯେ ଆମେ ବର୍ତ୍ତମାନ ୟୁକ୍ରେନ ବିବାଦର ଫଳାଫଳ ଦେଖୁଛୁ। ଏହାର ମାନେ ହେଉଛି ଭାରତ ଯୁଦ୍ଧ ଚାହୁଁନାହିଁ ଏହା ହିଁ ପରୋକ୍ଷରେ କହିବାକୁ ଚାହିଁଛନ୍ତି ଏସ ଜୟଶଙ୍କର ।

ମସ୍କୋରେ ଋଷ ବୈଦେଶିକ ମନ୍ତ୍ରୀ ସର୍ଗେଇ ଲାଭ୍ରୋଭଙ୍କ ସହ ଦ୍ୱିପାକ୍ଷିକ ଆଲୋଚନା ବେଳେ ଜୟଶଙ୍କର କହିଛନ୍ତି ଯେ ଆମେ ୟୁକ୍ରେନ ବିବାଦର ଫଳାଫଳ ଦେଖୁଛୁ। ଯୁଦ୍ଧର ପରିଣାମ କଣ ତାହା ସମସ୍ତେ ଜାଣନ୍ତି । ଫଳାଫଳ ମଧ୍ୟ ଆମେ ଦେଖିପାରୁଛୁ ।

We are seeing consequences of Ukraine conflict: Jaishankar to Russian counterpart

Read @ANI Story | https://t.co/X0uotXnx1R
#RussiaUkraineWar #Jaishankar #Moscow pic.twitter.com/1B7jMldgHV

— ANI Digital (@ani_digital) November 8, 2022

ଏସ ଜୟଶଙ୍କର ଆଉ ମଧ୍ୟ କହିଛନ୍ତି ଯେ ଆମର ଏହି ପାରସ୍ପରିକ ବୈଠକ ହେଉଛି ଆମର ସମ୍ପର୍କକୁ ଆକଳନ କରିବାର ବଡ଼ ମାଧ୍ୟମ । ସମସାମୟିକ ପରିସ୍ଥିତିକୁ ଦୃଷ୍ଟିରେ ରଖି ପରସ୍ପରର ଭାବନାକୁ ବୁଝିବା ଆବଶ୍ୟକ। ସେ କହିଛନ୍ତି ଯେ ଭାରତ ଋଷ ବିଭିନ୍ନ କ୍ଷେତ୍ରରେ ମିଳିମିଶି ଉତ୍ତମ ଭାଗିଦାରୀ ଗଠନ କରିବାକୁ ଚେଷ୍ଟା କରୁଛନ୍ତି। ଦୁଇ ଦେଶର ସରକାର ସବୁବେଳେ ଅସାଧାରଣ ସ୍ଥିର ସମ୍ପର୍କ ରଖିଛନ୍ତି। ଆମର ଆଲୋଚନାରେ, ଆମେ ବିଶ୍ୱ ପରିସ୍ଥିତି ଏବଂ ଆମର ସମସ୍ୟାକୁ ଗୁରୁତ୍ବ ଦେଇ ଆସୁଛୁ ।

ଜୟଶଙ୍କର ଆହୁରି କହିଛନ୍ତି ଆମେ ଅନେକ ବିଷୟରେ ମଧ୍ୟ ଆଲୋଚନା କରିଛୁ ।ବିଶେଷ କରି  ଆତଙ୍କବାଦ ଏବଂ ଜଳବାୟୁ ପରିବର୍ତ୍ତନ ନେଇ ଆମର ଯାହା ପ୍ରସଙ୍ଗ ରହିଛି ତାହା ଉପରେ ଅଧିକ କାମ କରୁଛୁ ଯାହାର  ପ୍ରଭାବ ମଧ୍ୟ ରହିଆସିଛି ।

ଋଷ ବୈଦେଶିକ ମନ୍ତ୍ରୀ  ଲାଭ୍ରୋଭ କହିଛନ୍ତି ଯେ ଭାରତ ସହ ଆମର ସଂପର୍କର ଗୁରୁତ୍ବ ଆମେ ଜାଣିଛୁ । ଭାରତର ମନୋଭାବକୁ ଆମେ ମଧ୍ୟ ସମ୍ମାନ କରୁଛୁ । ଆଲୋଚନା ନେଇ ଆମେ ନିଶ୍ଚୟ ପଦକ୍ଷେପ ଗ୍ରହଣ କରିବୁ  ।